🌷🌿🤲 ஒரு நெஞ்சார்ந்த வேண்டுகோள் 🤲🌿🌷

• முதற்கண், ஒன்றைச் சொல்லிக்கொள்ள விரும்புகிறேன் — இங்கு குழு (Team) என்று எதுவொன்றும் இல்லை. 2000-ஆம் ஆண்டு முதல், பல்வேறு இன்னல்களுக்கு இடையில் (சில நேரங்களில் மிக மிகக் கடுமையான உடல்நலப் பாதிப்புகளும் உட்பட), எனது வீட்டிலிருந்தபடியே அழகியின் அனைத்து இலவசச் செயலிகளையும் இறைவனுக்குச் செய்யும் ஓர் அர்ப்பணிப்பாகவே செய்து வருகிறேன். அதாவது, உண்மையில், பரமார்த்திக நிலையில், இங்கு தனிமனித கர்த்தா இல்லை. இறைவன் மட்டுமே உள்ளார் - அழகி சத்கர்மாவின் நிகழ்விற்கு ஆதாரமாய்.


• இந்த சத்கர்மாவிற்கான (ஓர் அன்பின் பயணத்திற்கான) அனைத்துவிதமான ஆதரவையும், அன்புடனும் அர்ப்பணிப்புடனும் வழங்கி வருபவர் எனது மனைவியே. இறுதியாக, எல்லாப் புகழும் நன்றியும் எல்லாம் வல்ல இறைவன் ஒருவருக்கே! என்றென்றும்!


• அழகியின் அனைத்து இலவசச் செயலிகளும் (இன்றைய தேதிக்கு 16 செயலிகள்; இறை விரும்பினால், இன்னும் பல செயலிகளும் வரவிருக்கின்றன) உலகத்தரம் வாய்ந்தவை (world class). இதுவரை காணப்படாத (never-before-seen) பல தனித்துவமான சிறப்பம்சங்களைக் கொண்ட இச்செயலிகள், உலகெங்கிலும் உள்ள கோடிக்கணக்கான மக்களுக்குப் பயனளித்து வருகின்றன. இந்தத் தனித்துவமான செயலிகள் அனைத்தும் உங்களுக்கு முற்றிலும் இலவசமாகக் கிடைக்கின்றன. அந்த வகையில், இவற்றை ஒப்பற்றவையாக விலைமதிப்பற்றவையாகப் பார்க்கிறேன்.
  
  அதுமட்டுமல்ல, இச்செயலிகளுக்கான உதவியும்/ஆதரவும் (Support) கூட முற்றிலும் இலவசம் - தொலைபேசியிலும் கூட, வாட்ஸ்அப், Remote tools உள்ளிட்ட வழிகளிலும் கூட!!! இலவச மென்பொருள்கள் உலகில் இதுபோன்றதொரு உதவி (Support) என்பது இதுவரை கேள்விப்படாத, முன்னெப்போதும் நிகழ்ந்திராத, ஈடு இணையற்ற ஒரு நிகழ்வாகும். இத்தகைய அளப்பரிய உதவியை(Support-ஐ) 2021-ஆம் ஆண்டு முதல் தானும்** அளித்து வரும் மனிதருள் மாணிக்கம் Gopalan Sir அவர்களுக்கு என்றென்றும் கோடானுகோடி நன்றிகள்!
  (**)2021-ஆம் ஆண்டு வரை இலவச Support-ஐ நான் அளித்துக் கொண்டிருந்தேன். இப்பொழுதும் அளித்துக் கொண்டுதான் இருக்கிறேன், கோபாலன் ஐயாவை அல்லாமல் என்னை நேரடியாகத் தொடர்பு கொள்பவர்களுக்கு.


• எனவே, சமூகத்தில் மேன்மேலும் பலர் அழகி செயலிகளால் பயனடையும் வகையில், அழகியின் அனைத்து இலவசச் செயலிகள் குறித்தும், உங்களால் இயன்ற பல்வேறு வழிகளில் (குறிப்பாக சமூக ஊடகங்கள் வாயிலாக), மக்களிடம் எடுத்துச் செல்லுங்கள் என உங்களை பணிவன்புடன் கேட்டுக்கொள்கிறேன். இதற்கான மிகச் சிறந்த வழிகளில் ஒன்றாக, அழகியின் இலவசச் செயலிகளில் ஏதேனும் ஒன்று குறித்து ஒரு காணொளியைப் பதிவேற்றுங்கள் (உங்களுக்கென YouTube சேனல் இருந்தால்). இதுபோன்ற 36 வழிகளை எனது spread.php பக்கத்தில் ஏற்கெனவே பட்டியலிட்டுள்ளேன். மேலும், share-your-love.php பக்கத்திற்கும் சென்று பாருங்கள். பணம் சார்ந்தோ, பொருள் சார்ந்தோ அல்லாமல், வேறு என்னென்ன வழிகளில் நீங்கள் அழகிக்குப் பங்களிக்கலாம் என்பதை அங்கே தெரிந்துகொள்ளலாம். உங்களால் இயன்ற சிறு முயற்சியும், பலருக்கு மிகப் பெரிய பயனாக அமையக்கூடும்.
  


• இதற்கிடையில், ஒரு விஷயத்தைப் பகிர்ந்துகொள்ள விரும்புகிறேன். பல ஆண்டுகளாகவே நான் (எனக்கு இப்போது வயது 59), தொலைக்காட்சி பார்ப்பது, திரைப்படங்கள் காண்பது, செய்தித்தாள்கள் வாசிப்பது, பத்திரிகைகள் படிப்பது, மற்றும் இன்னும் சில விஷயங்களை தவிர்த்து வாழ்ந்து வருகிறேன். நான் எனது வீட்டைவிட்டு வெளியே செல்வது என்பதே மிகவும் அரிது. பலகாலமாய், அழகிக்காக மிகவும் கடுமையாக உழைத்து வந்திருக்கிறேன். பல நேரங்களில் நள்ளிரவு தாண்டியும் பணியாற்றியிருக்கிறேன். அவ்வப்போது இரவு முழுவதும் கண்விழித்து, மறுநாள் வரையிலும் கூடத் தொடர்ந்து உழைத்திருக்கிறேன் — எனது நீண்டகால (chronic) உடல்நலப் பிரச்சினைகளுக்கு மத்தியிலும். எனது ஒரே குறிக்கோள் இதுதான்: எனக்கு இறைவனால் விதிக்கப்பட்டிருக்கும் காலம் வரை, என்னால் எத்தனை நேரம் முடியுமோ அத்தனை நேரமும் அழகியின் இலவசச் செயலிகளுக்காக மட்டுமேயே (வேறு வார்த்தைகளில் சொல்வதானால், அழகி சத்கர்மாவிற்காக மட்டுமேயே) செலவிட வேண்டும் என்பதே!


• உண்மையில், இங்கே சொல்லியிருப்பதுபோல், 'அழகி' சத்கர்மாவிலேயே நான் தொடர்ந்து இடைவிடாமல் பணியாற்ற, கடந்த சில வருடங்களாக, "பசியா வரம், தூங்கா வரம், தாகம் எடுக்கா வரம்" போன்ற வரங்களை "சீரிய ஆரோக்கியத்துடனும், நிலையான மனதுடனும்" எனக்குக் கொடுக்குமாறு இறைவனிடம் மனதாரப் பிரார்த்தனை செய்து வருகிறேன்.


• எனவே, அழகி செயலிகளில் ஏதொன்றை நீங்கள் பயன்படுத்தபவராக இருந்தாலும் அது குறித்த உங்களது கருத்துகளையும் அனுபவப் பகிர்வுகளையும் (Testimonials), தயவுசெய்து எனது மின்னஞ்சல் முகவரியான Birthless.Deathless@gmail.com-க்கு அனுப்புமாறு அன்புடன் கேட்டுக்கொள்கிறேன். அதற்கு மிகவும் நன்றியுள்ளவனாக இருப்பேன் நான். மாற்றாக, நீங்கள் விரும்பினால், அழகியின் Facebook குழுவிலும் உங்களது கருத்துகளையும் அனுபவப் பகிர்வுகளையும் பகிர்ந்துகொள்ளலாம். "எல்லாமே நன்றாகச் செயல்படுகின்றன" என்று ஒரே ஒரு வரியில் தெரிவித்தால்கூட, அது எனக்கு அளவற்ற உதவியுடையதாக இருக்கும். நன்றி!


• மேலும், 'ஸ்ரீ சத்யசாயி யுகம்' இணைய இதழில் அழகி குறித்து மிகவும் அன்புடனும் நெகிழ்ச்சியுடனும் எழுதப்பட்டுள்ள கட்டுரையின் கருத்துகள் பகுதியில் (Comments Section), உங்களது அனுபவப் பகிர்வையோ அல்லது அழகி குறித்த உங்களது இதயப்பூர்வமான உணர்வுகளையோ பகிர்ந்துகொள்ளவும் நீங்கள் விழையலாம். அவ்வாறு செய்தால் நான் பெருமகிழ்ச்சி அடைவேன்.


• எனது தனிப்பட்ட, தாழ்மையான கருத்தில், அழகி குறித்த உங்களது அனுபவப் பகிர்வைப் பதிவு செய்வது என்பது, இறைவனுக்கு உங்களது அளவற்ற நன்றியுணர்வைச் சமர்ப்பிப்பதற்கான மற்றுமொரு ஆன்மிக வாய்ப்பாகும். அதேபோல, அழகி தொடர்பாக திரு. கோபாலன் அவர்களிடம் எப்போதெல்லாம் உதவி கோருகிறீர்களோ, அப்போதெல்லாம் அவருக்கு நேரடியாகவே — தொலைபேசி, வாட்ஸ்அப் போன்ற வழிகளில் — உங்களது நன்றியுணர்வையும் பாராட்டுகளையும் அனுபவப் பகிர்வையும் தெரிவிப்பதற்கு அது உண்மையிலேயே ஒரு பெரிதும் பாக்கியமான வாய்ப்பாகும். இதைத் தயவுசெய்து மனதில் கொள்ளுங்கள் — அழகி செயலிகள் இறைவனுக்கே சொந்தமானவை; அவை என்னுடையவை அல்ல. உண்மையில், இந்த நொடியேகூட என் உயிர் என்னை விட்டுப் பிரியக்கூடும். ஆனால், அழகி செயலிகளோ அதன்பின்னும் தொடர்ந்து வாழும், எத்தனை காலம் இறைவன் விரும்புகிறாரோ அத்துணை காலம் வரை.


• கடந்த காலங்களில் அழகி பயனர்கள் எவ்வாறெல்லாம் தங்களது மனமார்ந்த, இதயப்பூர்வமான அனுபவப் பகிர்வுகளைப் பதிவு செய்துள்ளனர் என்பதற்கான உதாரணங்களைக் காண, பயனாளர் கருத்துகள் பக்கத்திற்குச் சென்று பாருங்கள்.

மிக்க அன்புடன் பணிவுடன் - viswanathan - author, அழகி இலவசச் செயலிகள்
| ஸ்ரீ சத்யசாயி யுகம் - ஸ்வாமியின் அழகி குறித்து | Sri Sathya Sai Yugam - on Azhagi | Self-realisation - மெய் உணர்தல்

பரப்புங்கள், பதிவேற்றுங்கள், பகிருங்கள்

• மற்றவர்களுக்கும் தெரியப்படுத்துங்கள்: அழகியின் இலவசச் செயலிகளில் ஏதேனும் ஒன்றை நீங்கள் நன்றாகப் பயன்படுத்தத் தொடங்கியவுடன், அவற்றைப் பற்றி, உங்களால் முடிந்த பல வழிகளில் (குறிப்பாக சமூக ஊடகங்கள் வாயிலாக) மற்றவர்களுக்கும் தெரியப்படுத்துமாறு அன்புடன் கேட்டுக்கொள்கிறேன். இதன் மூலம், சமூகத்தில் மேலும் மேலும் பலர் அழகி செயலிகளால் பயனடைய முடியும். நன்றி.
• காணொளி ஒன்று பதிவேற்றுங்கள்: அழகியின் இலவசச் செயலிகளில் ஏதேனும் ஒன்று குறித்து ஒரு காணொளியைப் பதிவேற்றுங்கள் (உங்களுக்கென YouTube சேனல் இருந்தால்). இதுபோன்ற 36 வழிகளை எனது spread.php பக்கத்தில் ஏற்கெனவே பட்டியலிட்டுள்ளேன்.
• உங்கள் அன்பைப் பகிருங்கள்: தயவுசெய்து share-your-love.php பக்கத்திற்குச் சென்று, பணம் சார்ந்தோ, பொருள் சார்ந்தோ அல்லாமல், வேறு என்னென்ன வழிகளில் நீங்கள் அழகிக்குப் பங்களிக்க முடியும் என்பதைப் படித்துணர்ந்து, அதன்வழி பங்களிக்கப் பாருங்கள். இவ்வகையில், இறுதியில், உங்கள் அன்பைப் பகிர்ந்தவர்கள் ஆவீர்கள்!

அன்பு ~ உங்கள் அன்பை நீங்கள் பகிரலாம்!



திரு. விக்டர் சொன்னது, வாட்ஸ்அப்பில், Sep 2026இல்

நீங்கள் காணும் திரைப்பதிவில், திரு. விக்டர் அவர்கள் 18-செப்டம்பர்-2026 அன்று முதன்முறையாக கோபாலன் ஐயாவிற்கு WhatsApp செய்தபொழுது, அவர் ஐயாவிற்கு அனுப்பியுள்ள நெகிழ்ச்சியூட்டும் "நன்றியுணர்வும், கைம்மாறு செய்ய வேண்டும் என்ற உணர்வும் வெளிப்படும்" செய்தியும், அதற்குப் பதிலளிக்கும் விதமாக, அவரது அன்பை மட்டும் பகிர்ந்துகொண்டால் போதும் என்று அவரிடம் கோபாலன் சார் கூறியுள்ள பதிலும் இடம்பெற்றுள்ளன.

பயனாளர் திரு. விக்டர் அவர்களிடமிருந்து வந்துள்ள மேற்கூறிய செய்தி, அழகி தனது பயனாளர்களுக்கு எவ்வ்வ்வ்வ்வ்வ்வ்வ்வ்வ்வ்வளவு பயனுள்ளதாக இருக்கிறது என்பதற்கு மற்றுமொரு எடுத்துக்காட்டு (இது போன்ற பல எடுத்துக்காட்டுகளில் ஒன்றாக) . இதனாலேயே, நான் ஒருபோதும் பணம் எதுவும் கேட்பதில்லை என்பதை நன்கு அறிந்திருந்தும், அளவற்ற நன்றியுணர்வும், கைம்மாறு செய்ய வேண்டும் என்ற பெரும் உணர்வும் உந்தவே, பயனாளர்கள் தாங்களாகவே முன்வந்து இத்தகைய வேண்டுகோள்களை விடுக்கிறார்கள்.