தெய்வ அவதாரம் என்பது கிரியா சக்தி, யோக சக்தி ஆகியவற்றைத் தரித்துள்ள பரமாத்ம சக்தி ஆகும். பொதுவாக, அவதரித்தல் எனப் பொருள்படும் 'அவதரணம்' என்ற சொல் 'மேலிருந்து கீழிறங்கி வருதல்' என்று சொல்லப்படுகிறது. ஆனால், அப்படி அல்ல! தொட்டிலில் இருக்கும் குழந்தை அழுது அலறும்போது, தாய் கீழே குனிந்து அதைத் தன் கைகளில் எடுத்துக் கொள்கிறாள். அவள் அவ்வாறு குனிவதை ‘கீழே இறங்குதல்’ என்று சொல்லக் கூடாது. அதைப் போலவே, நீங்கள் போதிய அளவிற்கு புண்ணியத்தை ஈட்டியவுடன் அவதார புருஷர் இரங்கி, இறங்கி வந்து காத்திடுவார். மாறாக நீங்கள் உங்கள் பாவங்களை பெருக்கிக் கொண்டு, மேன்மேலும் தாழ்ந்து கொண்டே போனீர்களானால் நீங்கள் காப்பாற்றப்படுவது எங்ஙனம்? உங்கள் இதயத்தில் தூய ப்ரேமையையும் பேரானந்தத்தையும் கொண்டிருங்கள். நல்லதைப் பார்ப்பது, நல்லதைக் கேட்பது, நல்லதைப் பேசுவது, நல்ல செயல்களைச் செய்வது ஆகியவற்றால் பேரானந்தம் கிடைக்கிறது. என்று இந்த தெய்வீகப் பேரானந்தத்தில் நீங்கள் உங்களை நிலைநிறுத்திக் கொள்கிறீர்களோ, அந்த நாளே உங்களுக்கு என்னுடைய பிறந்த நாளாகும்! (தெய்வீக அருளுரை, நவம்பர்23, 1978)