கிருத யுகத்தில் தியானமும், திரேதா யுகத்தில் யக்ஞமும், துவாபர யுகத்தில் அர்ச்சனையும் முக்திக்கான முதன்மை வழிமுறையாக பரிந்துரைக்கப்பட்டன. இந்தக் கலியுகத்தில் நாமஸ்மரணையே மோட்சம் பெறுவதற்கான மிகவும் சுலபமான மார்க்கம்! எனவே, மற்ற மூன்று யுகங்களில் வாழ்ந்தவர்களை விட, இந்தக் கலியுகத்தில் பிறந்தவர்கள் மிகுந்த அதிருஷ்டசாலிகள். ஆனால், துரதிர்ஷ்டவசமாக, இன்று மக்கள் இத்தகைய எளிதான வழியைக் கூட பின்பற்ற முடியவில்லை. இரண்டு நிமிடங்கள் கூட உங்களால் நிலையாக உட்கார முடிவதில்லை. பின்னர் நீங்கள் எவ்வாறு தவம் செய்ய முடியும்? சாத்தியமே இல்லை. எனவேதான் நாமஸ்மரணையில் அடைக்கலம் அடையுங்கள். இதைவிட உயர்ந்த ஆன்மிக சாதனை வேறெதுவுமில்லை. நீங்கள் தொடர்ந்து தெய்வ நாமத்தைப் பாடும்போது, அது உங்கள் எல்லா தீய குணங்களையும் விரட்டி விடுகிறது. நீங்கள் தெய்வ நாமத்தைப் பாடும்போது எவ்வளவு ஆனந்தமாகி விடுகிறீர்கள் என்பதை நீங்களே பார்க்கலாம். அதனால்தான் இறைவனை ‘கானலோலன்’, ‘கானப்ரியன்’ என்று துதித்தனர். நாரத தும்புரு முனிவர் எப்போதும் ஸ்ரீமந் நாராயணரின் திருநாமத்தைப் பாடிக் கொண்டே இருக்கிறார். அவருடைய பிரதான பணி இதுவே. அவருடைய அந்தக் கானத்தில் இறைவன் எப்போதும் தன்னை மறந்து லயித்து விடுகிறான். இறை கானத்தில் அவ்வளவு ஆனந்தம் உள்ளது. அது இதயத்தை ஈர்த்து, ஒருவரை பக்திப் பரவசத்தில் ஆழ்த்தி விடுகிறது. எனவேதான் இறைவனைத் துதித்துப் பாடுவது மிகவும் மதிப்புமிக்கதாகக் கருதப்படுகிறது! (தெய்வீக அருளுரை,ஜூலை12, 1996)