ஆழ்ந்த உறக்கத்தில் இந்த ‘நான்’ என்ற உணர்வு ஒடுங்கி இருப்பதால் உங்களைப் பொருத்தவரை உலகம் என்று எதுவும் இல்லை. நீங்கள் தூங்கும்போது நீங்கள் தனியாக இருக்கிறீர்கள். நீங்கள் பிறப்பதற்கு முன் உங்களுக்கென்று உலகம் எதுவுமில்லை. நீங்கள் இறந்த பிறகு, உங்களுக்குத் தெரிந்த உலகம் எதுவும் இல்லை. உங்கள் வாழ்க்கையைப் பற்றிய அறிவைப் பெறுவதற்கு, நீங்கள் கர்மா மற்றும் உபாசனையின் ஆரம்பப்பள்ளிகளில் பயின்றாக வேண்டும். அர்ப்பணிப்பு உணர்வுடன் ஆற்றும் கர்மா, இதயத்திலிருந்து அகந்தையின் தூண்டுதல்களை நீக்கிச் சுத்தப்படுத்த உதவுகிறது; உபாசனா எனும் வழிபாடு பரம்பொருளின் மீது மனதை ஒருமுகப்படுத்த உதவுகிறது. அப்போது ஞானம் பிறக்கிறது. கர்மா மற்றும் உபாசனை, உங்கள் வாழ்க்கையின் குறிப்பிட்ட கட்டத்தின் தர்மத்தையும், உங்களை ஆளும் குணத்தையும் சார்ந்துள்ளது. அமிர்தத்தைக் கூட மூக்கின் வழியாகக் குடித்தால் உயிருக்கே ஆபத்தாக முடியும். ஒவ்வொரு ஆன்மிக சாதகருக்கே உரிய பிரத்யேகமான வாழ்க்கை முறை, உயர்வதற்கான வழிமுறை, முன்னேறுவதற்கான பாதை ஆகியவை உள்ளன. உங்களுக்கு எது மிகவும் பொருத்தமானது என்பதை உண்மையான குரு அறிவார். குரு பாரபட்சமானவர் என்று அர்த்தமல்ல; அவர் கருணையும் அக்கறையும் கொண்டவர் என்று மட்டுமே பொருள். ஏனென்றால், எல்லா மனிதர்களும் ஒரே மாதிரியான பாதையைப் பின்பற்ற வேண்டும் என்று அவர் வலியுறுத்துவதில்லை. (தெய்வீக அருளுரை, மார்ச்03, 1965)