உங்களிடம் அழுக்கடைந்த கிழிந்த ரூபாய் நோட்டு உள்ளது. அதை யாருக்காவது கொடுத்தால் யாரும் ஏற்றுக்கொள்ளத் தயாராக இல்லை. ஆனால், அதை வெளியிட்ட ரிசர்வ் வங்கியிடம் கொடுத்தால் அதை ஏற்று அதற்குப் பதில் புதிய நோட்டை கொடுத்தாக வேண்டும். அதேபோல், நம்மிடமுள்ள கெட்ட எண்ணங்களையும், அசிங்கமான உணர்வுகளையும், தீய நோக்கங்களையும் யாரிடம் கொடுத்தால் ஏற்றுக் கொள்வார்கள்? சர்வவல்லமை படைத்த இறைவன் மட்டுமே! அழுக்கடைந்த நோட்டுகளை ஏற்றுக்கொண்டு, அதற்கு பதிலாக நல்ல எண்ணங்கள் என்ற நல்ல நோட்டைக் கொடுக்கும் ஆன்மிக ரிசர்வ் வங்கி அவன் மட்டுமே. யாருக்கு எதைக் கொடுத்தால் ஏற்றுக்கொள்வார்களோ அவர்களிடம்தான் கொடுக்க வேண்டும். எனவே எல்லா கெட்ட எண்ணங்களையும் உணர்வுகளையும் இறைவனுக்கு அர்ப்பணித்து, அவனருளால் நல்ல எண்ணங்களையும் உணர்வுகளையும் பெற வேண்டும். ஒருவரின் கெட்ட குணங்களை இறைவனுக்குச் சமர்ப்பித்து, அதற்குப் பதிலாக அவனிடமிருந்து நல்ல குணங்களைப் பெற்று, ஒருவரின் வாழ்க்கையை இலட்சியமான ஒன்றாக நல்மாற்றம் செய்வதே ஆன்மிகமாகும். (தெய்வீக அருளுரை,மே24, 1992)