இல்லாத ஒன்றிற்காக ஏன் ஏங்க வேண்டும்? 'இருப்பதை' ஏன் புறக்கணிக்க வேண்டும்? அதாவது, ‘சத்’தை ஏன் புறக்கணிக்க வேண்டும்? மனிதகுலத்தின் பயம், துக்கம், நோய்கள் அனைத்திற்கும் அடிப்படையான காரணம் மெய்யற்றதைத் தேடுவதேயாகும். உங்களால் இயன்றிடும் போதே வீடுபேற்றுக்கான கதவைத் திறக்கும் சாவியைப் பெறுவது எப்படி என்பதைக் கற்றுக் கொள்ளுங்கள். உங்களைச் சுற்றி 'நாம-ஜபம்’ எனும் திரைச்சீலையை வைத்துக் கொள்ளுங்கள்; பிறகு, சுய செல்வாக்கை வளர்த்துக்கொள்ள வேண்டுமென்ற ஆரோக்கியமற்ற ஏக்கங்கள் உங்களைத் துன்புறுத்தி பாதிக்காது. உலக விஷயங்களில் உள்ள வெறுமையையும், அதில் அதிகமாக ஈடுபடுவது அர்த்தமற்றது என்பதையும் நாம-ஜபம் உங்களுக்கு உணர்த்தாமல் இருக்காது; மேலும் உங்கள் விதியை நீங்களே வடிவமைப்பவர் போல் நடந்து கொள்கிறீர்கள்; ஆனால் புயலாலும் காற்றின் வேகத்தாலும் கடற்பரப்பில் எழும் அலை போன்றவர் தான் நீங்கள் என்பதையும் அது உணர்த்தும். (தெய்வீக அருளுரை, மே11, 1971)