உங்களுடைய இதயகமலம் இறைவனுடைய மகத்துவமெனும் சூரியனுக்காக ஏங்குகிறது. ஆனால் அதை அடைவதோ கடினம். உலகத்தின் மீதான அனைத்துப் பற்றுதலையும் விட்டால் மட்டுமே அதை வெல்ல முடியும்! இறைவன் ஒருவனே நமக்கு மிகவும் நெருக்கமானவன், நேசமானவன்; ஆனால் அறியாமை அவனை நம் கண்களிலிருந்து மறைக்கிறது. மனிதன் மீது இறைவன் கொண்டிருக்கும் ப்ரேமை இணையற்றது; ஆயினும் மனிதனுக்கோ அவன் தொலைவில் இருப்பவனாகவும், பேராற்றலால் மலைக்க வைப்பவனாகவும், அணுகமுடியாதவனாகவும் தோன்றுகிறான். நட்சத்திரங்கள் பார்ப்பதற்கு ஒளிப் புள்ளிகளாகத் தோன்றுகின்றன, ஏனென்றால் அவை நம்மிடமிருந்து வெகு தொலைவில் உள்ளன. அதுபோலவே பலருக்கும் இறைவன் முக்கியமற்றவனாகவோ அல்லது பயனற்றவனாகவோ தோன்றுகிறான், ஏனென்றால் அவர்கள் அவனிடமிருந்து வெகு தொலைவில் இருக்கிறார்கள். சிலர் கடவுள் இல்லை என்று சொன்னால், அவர்கள் அவரைப் பற்றி அறிந்துகொள்ள முடியாத தொலை தூரத்தில் இருக்கிறார்கள் என்றே பொருள்! பச்சை சுரைக்காய் நீரில் மூழ்கி விடுகிறது; ஆனால் உலர்ந்த ஒன்றோ மிதக்கிறது. பற்றுதல்கள், ஆசைகள், சஞ்சலங்கள், கவலைகள் ஆகியவற்றை நீக்கி உலர்ந்த சுரைக்காயைப் போல ஆகி விடுங்கள். பின்னர், நீங்கள் பாதிப்பு ஏதுமின்றி சந்தர்ப்ப சூழ்நிலைகள் மற்றும் மாற்றங்கள் எனும் நீரில் மிதக்க முடியும். (தெய்வீக அருளுரை, அக்டோபர்17, 1966)