உங்களுக்கு இறைவன்பால் அபரிமிதமான நம்பிக்கை இருக்கலாம். ஆனால் அவ்வப்போது மாயையின் சக்தி இந்த நம்பிக்கையை குலைக்கக் கூடும். மஹாபாரதத்தில், கிருஷ்ணரின் பரம பக்தர்களான தர்மபுத்திரர் மற்றும் அர்ஜுனன் கூட கிருஷ்ணரின் அறிவுரைப்படி நடப்பதற்குத் தயங்கினார்கள்; எனவே பீஷ்மரையும் திரௌபதியையும் கொண்டு அவர்களது கடமைகளைப் பற்றி நினைவூட்ட வேண்டியதாக இருந்தது. இறைவன்பால் கொண்டிருக்கும் நம்பிக்கை ஒருபோதும் தடுமாறக்கூடாது. எந்த சந்தர்ப்பத்திலும் இறைவனது கட்டளைகளுக்கு எதிராக எவரும் செல்லக் கூடாது, ஏனெனில் இறைவனுக்கு எந்தவித சுயநல நோக்கமோ குறிக்கோளோ கிடையாது. ஒருவர் எப்படி வழிபட்டாலும், எவ்வளவு தீவிரமாக தியானம் செய்தாலும், இறைவனது கட்டளைகளை மீறுவாரேயானால், இந்த ஆன்மிக சாதனைகள் அனைத்தும் வீணே. குறுகிய சுயநல உள்நோக்கங்களின் காரணத்தால் தான் மனிதர்கள் இறைவனது புனிதமான கட்டளைகளுக்கு எதிராகச் செயலாற்றுகின்றனர். சிறிய அளவிலான அத்துமீறல்கள் கூட காலப்போக்கில் அபாயகரமானவையாக உருவெடுக்கக் கூடும். (தெய்வீக அருளுரை, செப்டம்பர்12, 1991)