நாமஸ்மரணை உங்களை இறைச்சிந்தனையிலேயே நிலைத்து இருக்கச் செய்யும். இப்போது நீங்கள் மிருதங்கத்திற்குள் சிக்கிக்கொண்ட எலியைப் போல இருக்கிறீர்கள். அந்த எலி, மிருதங்கத்தை வாசிப்பவர், அதை வலதுபக்கம் தட்டினால் இடதுபக்கத்திற்கும், இடதுபக்கம் தட்டினால் வலது பக்கத்திற்கும் என அரண்டுபோய் ஓடுகிறது. நீங்களும் அதேபோல, பரமாத்மாவிலிருந்து ப்ரக்ருதிக்கு ஓடுகிறீர்கள், இறைவனைப் பற்றிக் கொண்டிருக்க விரும்பாமல்; அதேசமயம், உலக விஷயங்களினால் விளையும் ஏமாற்றங்கள் மற்றும் தோல்விகளினால் உலகினின்றும் பின்வாங்கி ஒதுங்கி நிற்கிறீர்கள். நீங்கள் இறைவனிடமிருந்து வந்தவர்கள். நீங்கள் அவனது மாட்சிமையின் அருட்பொறி. நீங்கள் அந்த ஆனந்த சாகரத்தின் அலை. எனவே நீங்கள் இறைவனுடன் மீண்டும் ஐக்கியமானால் மட்டுமே உங்களுக்கு சாந்தி கிட்டும். வழிதவறிப்போன ஒரு குழந்தையைப் போல, உங்கள் தாயான இறைவனுடன் மீண்டும் ஒன்றுசேர்ந்தால் மட்டுமே, நீங்கள் சந்தோஷத்தைப் பெற முடியும். கடலின் நீர்த்துளி ஆவியாக மாறி, மேகக்கூட்டத்தில் கலந்து, பூமியில் மழையாகப் பொழிந்து, மலைமடுவெல்லாம் பாய்ந்தோடி, இறுதியாக கடலை அடைகிறது. அதேபோல நீங்கள் இழந்துவிட்ட இறைவனெனும் கடலைச் சென்று அடையுங்கள். அந்தப் பயணத்தை இப்போதே தொடங்கி, விரைவாகவும் இலகுவாகவும் பயணியுங்கள்! (தெய்வீக அருளுரை, அக்டோபர்17, 1966)