அடக்கத்தையும் ஞானத்தையும் அளிக்காத கல்வி பொன்னான நேரத்தை வீணடிப்பதாகும். நீங்கள் எதைக் கற்றுக்கொண்டாலும் கற்றுக் கொள்ளாவிட்டாலும், புறஉலகின் உந்துதல்களுக்கும், கவர்ச்சிகளுக்கும் இடமளிக்காது நல்லொழுக்கம் உள்ளவர்களாக இருப்பதற்குத் தேவையான வலிமை படைத்தவர்களாக உங்களை ஆக்கிக்கொள்ளுங்கள். பகுத்தறிவு என்பது இன்று அபரிமிதமாக மதிப்பளிக்கப்படும் புத்திசாலித்தனம் அல்ல; ஆனால் விஷயங்களை சரியாக சீர்தூக்கிப் பார்க்கும் திறன், தாற்காலிகமானது-நிரந்தரமானது, தனிப்பட்டது-உலகளாவியது, ஆழமில்லாதது-ஆழமானது போன்றவற்றை சரியாக மதிப்பிடுவது ஆகியவையே. நீங்கள் பெற வேண்டிய புனிதமான ஆன்மிக ஞான அனுபவத்தின் களஞ்சியங்களான சான்றோர்கள் மீதும், பாரம்பரியத்தின் மீதும் நீங்கள் மதிப்பும் மரியாதையும் கொண்டிருக்க வேண்டும். நீங்கள் தெய்வத்தின் வடிவம் என்பதை நம்புங்கள்; சிரத்தையான பயிற்சி மற்றும் பற்றின்மை மூலம் அடையக்கூடிய உயர்பண்புகள் மீதும் நம்பிக்கை கொண்டிருங்கள். விரும்பியவற்றைச் சிறிது தள்ளி வைப்பதாலுமே கூட வாழ்க்கையில் இனிமை கூடுகிறது; விரும்பிய அனைத்தும் நிறைவேறிவிட்டாலோ, வாழ்க்கை திகட்டத் தொடங்குகிறது. உங்கள் மனம் விரும்பி பின்தொடர்ந்து ஓடும் பல விஷயங்களை நீங்களே 'வேண்டாம்' என மறுத்து உதறித்தள்ளி அவை உங்களுக்கு இல்லையென ஆக்கிக் கொள்ளுங்கள்; பின்னர் வாழ்க்கையில் ஏற்படும் நல்லது கெட்டது இரண்டையுமே தாங்கும் அளவிற்கு நீங்கள் வலுவானவர்களாக ஆகிவிட்டதைக் காண்பீர்கள்! (தெய்வீக அருளுரை, செப்டம்பர்12,1963)