ராமரையோ கிருஷ்ணரையோ ஒரு குறிப்பிட்ட பெயருக்குள்ளோ வடிவத்துக்குள்ளோ வரம்பிடாதீர்கள். அவர்கள் அவதரித்த பிறகே அவர்களுக்கு இந்தப் பெயர்கள் சூட்டப்பட்டன. இந்தப் பெயர்களுடனேயே அவர்கள் பிறக்கவில்லை. பாரதீயர்கள் இறைவன் இதயத்தில் உறைபவன் என்ற உண்மையை உணர்ந்து விட்டவர்கள். இவ்விதமாக வாழ்ந்து வருவதாலேயே எத்தனையோ கஷ்ட நஷ்டங்கள், துக்கங்கள் இருப்பினும் அவற்றை சகித்து ஏற்றுக்கொண்டு இன்றுவரை மகிழ்ச்சியாக வாழ்ந்து வருகின்றனர். ‘சுகதுக்கே ஸமேக்ருத்வா லாபா லாபௌ ஜயா ஜயௌ’ - அதாவது ஒருவர் இன்பம்-துன்பம், லாபம்-நஷ்டம், வெற்றி-தோல்வி ஆகியவற்றில் சமச்சீரான மனநிலையுடன் இருக்க வேண்டும் என்று கீதை கூறுகிறது. துக்கம் வந்தால், 'ஓ! இது என் நன்மைக்காகவே வந்துள்ளது' என்று பாரதீயர்கள் எண்ணுகின்றனர். அப்படிப்பட்ட உத்தமமான உணர்வுகளாலேயே பாரதீயர்கள் உயர்ந்த நிலைகளை அடைய முடிந்தது. குண்டுவெடிப்பு, வெள்ளம், விமான விபத்துகள் போன்ற அசம்பாவிதங்கள் எது நேர்ந்தாலும் கூட, அவர்களின் தெய்வத்தின் மீதான நம்பிக்கை அசைக்க முடியாததாக உள்ளது. தெய்வத்தின் மீது நம்பிக்கை கொண்டோருக்கு எந்நாளும் துயரம், துன்பம், கஷ்டங்கள் ஏற்படாது. அவை கலைந்து போகும் மேகங்களைப் போல வரும் போகும். (தெய்வீக அருளுரை, ஏப்ரல்03, 2009)