தியாகம் என்பதற்கு இணையான சொல் ‘பலி’. பலி என்றால் காணிக்கை, அர்ப்பணித்தல், தியாகம் செய்தல் மற்றும் வரி செலுத்துதல். என்ன வரி? பலி என்றால் மனித வாழ்க்கையில் காணிக்கையாகக் கொடுக்கப்பட வேண்டியது என்று பொருள். பண்டைய காலத்தவர்கள் உயிருள்ளவற்றைக் காணிக்கையாக அளிப்பதையே பலியாகக் கருதினர். பலி என்பதன் சரியான பொருள் இதுவல்ல. பலி என்றால் மனிதனில் உள்ள தெய்வத்தை உணர்வதாகும். தொலைதூர நீர்நிலைகளிலிருந்து தங்கள் குடியிருப்புகளுக்கு தண்ணீர் விநியோகிக்கும் அதிகாரிகளுக்கு மக்கள் குடிநீர் வரி செலுத்துகிறார்கள். அதேபோல், மக்கள் தாங்கள் பெறும் மின்சாரத்திற்கும் வரி செலுத்துகின்றனர். உலக விவகாரங்களில் ஈடுபட்டிருப்பதன் காரணமாக இறைவனை விட்டு விலகி இருப்பதாக நீங்கள் கருதும் நிலையில் உங்களுக்குள் தெய்வீகத்தை விதைத்ததற்காக நீங்கள் இறைவனுக்கு என்ன வரி செலுத்துகிறீர்கள்? ஏதோ கொஞ்சம் குடிநீரும் மின்சாரமும் பெற்றதற்கே நீங்கள் பணம் செலுத்துகிறீர்கள். ஆனால் இறைவனிடமிருந்து நீங்கள் பெறும் கனமழைக்கு நீங்கள் என்ன விலை கொடுக்கிறீர்கள்? இறைவன் ஏரிகளையும் ஆறுகளையும் நீரால் நிரப்புகிறான்; மனிதன் சுவாசிக்கும் காற்றில் உயிர் கொடுக்கும் பிராணவாயுவை வழங்குகிறான்; சூரியன் தன் ஒளியால் உலகம் முழுவதையும் ஒளிரச் செய்கிறான்; இந்த சேவைகள் அனைத்திற்கும் நாம் செலுத்தும் வரி தான் என்ன? ‘அர்ப்பிதம்’ அதாவது, இறைவனுக்கு அர்ப்பணித்தல் என்ற உணர்வே அந்த வரி. அதுவே பலி என்று அழைக்கப்படுகிறது. பலி என்று சொன்னவுடனே பயப்படக் கூடாது. தன்னையே இறைவனுக்கு அர்ப்பணித்தல் என்பதே இதன் பொருளாகும். (தெய்வீக அருளுரை, செப்டம்பர் 05, 1995)