ப்ரேமையின் திருவடிவங்களே! மனித குலத்திற்கு அருளப்பட்ட பேச்சாற்றல் மிக முக்கியமானது, சிறப்பானது ஆகும். அது அவனுக்கு எல்லா செல்வங்களையும் தருகிறது. இனிமையாகவும் இதமாகவும் அனைவரும் ஏற்றுக்கொள்ளும் வகையில் பேச வேண்டும். இத்தகைய இனிய பேச்சுதான் நமக்குச் செழுமையையும் வளத்தையும் தரும். வார்த்தைகள் பல நண்பர்களையும் உறவுகளையும், ஏன் ராஜ்ஜியங்களையும் கூட வென்றிட வல்லது. நம்மிடையே சில உறவுகள் மட்டுமே இருக்கலாம், ஆனால் நம் இனிய பேச்சால், உலகமனைத்துடனும் நல்ல உறவை வளர்த்துக் கொள்ள முடியும். புனிதமான பேச்சு நமக்கு எல்லாக் கல்வியையும் தந்து நம்மை மேன்மையான நிலைக்கு உயர்த்தும். கெட்ட எண்ணங்களுடனும் உணர்வுகளுடனும் பேசப்படும் வார்த்தைகள் உங்களை பந்தப்படுத்துவதோடு மட்டுமல்லாமல், உயிரையே மாய்க்க வல்லது என்பதையும் நாம் அறிய வேண்டும். நாம் பேசும் வார்த்தைகளில் நல்லதும் கெட்டதும் இருக்கிறது. இனிய சொற்களைப் பேசுபவருக்கு இந்த பிரபஞ்சமே மாளிகையாகிறது! எங்கும் மனிதகுலம் ஒன்றே வியாபித்திருப்பதாக அவர் உணர்வார். தெய்வத்தை அடைவதற்கு ஒருவர் ஆன்மிகப் பாதையில் செல்ல வேண்டும். பணிவுடன் கூடிய நல்ல வார்த்தைகள் உங்களை உயர்ந்த நிலைக்கு இட்டுச் செல்லும்! (தெய்வீக அருளுரை, செப்டம்பர்11, 1998)