விலைமதிப்பற்ற நேரத்தை வீணாக்காமல் ஒவ்வொரு நாளையும் சிறந்த முறையில் எப்படிக் கழிப்பது என்பதை நீங்கள் அறிந்திருக்க வேண்டும். அனைத்தும் இறைவனது சங்கல்பத்தின்படியே நடக்கும் என்பதையும் நீங்கள் அறிந்துகொள்ள வேண்டும். உங்கள் எண்ணங்களுக்கும் விருப்பங்களுக்கும் ஏற்ப இறைவன் செயல்படுவான் என்று எதிர்பார்க்க முடியாது. இறைவன், குடும்பம், நாடு மற்றும் உலகத்தின் தேவைகளை முழுமையாக அறிந்தவன்; தேவையான நன்மைகளை உரிய நேரத்தில் செய்பவன். இயற்கையின் ஒரு பரிசு சிலருக்கு எவ்வாறு நன்மை பயக்கிறது என்பதையும், அதேசமயம் வேறு சிலருக்கு அவ்வாறில்லை என்பதையும் விளக்க ஒரு உதாரணத்தை எடுத்துக்கொள்வோம். ஒரு வீட்டில் திருமண விழா கொண்டாடப்படுகிறது என்று வைத்துக் கொள்வோம். அந்தக் குடும்பம் தங்களுக்கு வசதியாக இருக்க வேண்டுமே என்பதற்காக மழை வேண்டாம் என பிரார்த்தனை செய்கிறார்கள். அதே சமயம், வறண்டு போன விவசாய நிலம் உள்ள அண்டை வீட்டுக்காரர், தனது நிலத்தில் விவசாயம் செய்வதற்கு ஏற்ப அடைமழை தொடர்ந்து பொழிய வேண்டும் என்று பிரார்த்தனை செய்கிறார். இறைவன் பாரபட்சமற்றவன்; ஒரு குறிப்பிட்ட நபரின் தேவைகளை மட்டுமே பூர்த்தி செய்ய மாட்டான். அனைவரின் தேவைகளையும் சீர்தூக்கிப் பார்த்து சமநிலையைப் பேணுபவன் அவன். (தெய்வீக அருளுரை, ஏப்ரல்21, 1998)