இறைவன் சர்வபூதாந்தராத்மா - அதாவது எல்லா உயிரினங்களிலும் உறைபவன், ஆனால் ஆத்மாவிற்கு எந்த மாற்றமும் கிடையாது. கடல் அலைகள் போல் மனித உயிர்கள் உருவாகிக் கொண்டே இருக்கும். ஆனால் பரமாத்மா என்ற கடல் மாற்றம் ஏதுமின்றி இருக்கிறது. நீங்கள் கிருஷ்ண விக்கிரஹத்தை வெள்ளியில் செய்தால், அதன் அனைத்து பகுதிகளும் வெள்ளியாகவே இருக்கும். அந்த விக்கிரஹத்தில் நீங்கள் கிருஷ்ணரின் ரூபத்தை மட்டுமே பார்த்தால், வெள்ளியைப் பற்றிய உணர்வு உங்களுக்கு இருப்பதில்லை. விக்கிரஹம் செய்யப்பட்ட வெள்ளியை மட்டுமே நீங்கள் பார்க்க விரும்பும்போது, அந்த ரூபம் உங்கள் கருத்தில் இருப்பதில்லை. அதுபோல, பிரபஞ்சம் முழுவதிலும் நீக்கமற நிறைந்திருக்கும் இறைவனை நோக்கி உங்கள் மனதைத் திருப்பினால், மனம் முழுவதும் இறைவனால் நிறைந்திருக்கும்; உலகில் உள்ள பொருட்களின் பல்வேறு வடிவங்களை நீங்கள் காண மாட்டீர்கள். உலகப் பொருள்களை நோக்கி மனதைச் செலுத்தினால், எல்லாப் பொருட்களிலும் வியாபித்திருக்கும் இறைவனைக் காணத் தவறிவிடுவீர்கள். விஸ்வம் விஷ்ணு ஸ்வரூபம் - அதாவது பிரபஞ்சமே இறைவனின் திருவடிவம். இறைவனே ‘காரணம்’, பிரபஞ்சமே ‘விளைவு’. காரணத்தையும் விளைவையும் புரிந்துகொள்ளத் தவறுவது மாயையில் ஆழ்த்தி விடுகிறது. (தெய்வீக அருளுரை,மே20, 1993)