நான் யாருக்காவது வாக்கு கொடுத்துவிட்ட பிறகு, அவர்கள் என்னை வெறுத்தாலும், நான் அவர்களை வெறுக்க மாட்டேன். அவர்கள் என்னை பரிகசித்தாலும், நான் அவர்களை நேசித்துக்கொண்டே இருப்பேன். நான் கொடுத்த உறுதிமொழியை இறுதிவரை காப்பாற்றுவேன். என்றாவது ஒருநாள் இதை உணர்ந்து அவர்கள் சரியான பாதைக்குத் திரும்புவார்கள். சூழ்நிலைகளின் நிர்ப்பந்தத்தால் சில மாற்றங்கள் நிகழலாம். அவை நிரந்தரமானவை அல்ல. ஆனால் இதை அடிப்படையாகக் கொண்டு என் மனதை மாற்றிக்கொண்டே இருக்கமாட்டேன். இது என்னுடைய இரண்டாவது உறுதிமொழி. என்னுடைய மூன்றாவது உறுதிமொழி என்னவென்றால், அனைவரின் நலனுக்காகவும், ஒட்டுமொத்த சமுதாயத்திற்கும் நல்லது என்று உறுதியாகத் தெரிந்தபிறகு, எத்தனை இடையூறுகள் தடைகள் ஏற்பட்டாலும் நான் மேற்கொண்ட பணியைக் கைவிடமாட்டேன். உலகம் முழுவதும் இதை விமர்சித்தாலும் என்னுடைய கால் பின்னோக்கிப் போகாது, முன்னோக்கியே போகும். இவையே என்னுடைய மூன்று உறுதிமொழிகள். முன்வைத்த கால் பின்வாங்காது. நான் கொடுத்த வாக்கை மீற மாட்டேன். என்னுடைய கை கொடுப்பது மட்டுமே தவிர பெறுவது அல்ல! (தெய்வீக அருளுரை,ஜூலை13, 1984)