ஒவ்வொரு மதமும் இறைவனுக்கு ஒரு நாமத்தையும் ஒரு ரூபத்தையும் வலியுறுத்தி, அதை ஏற்றுக் கொள்ள வேண்டுமென பரிந்துரைக்கிறது. சிலர் இறைவனுக்கு எந்த நாமமோ ரூபமோ இல்லை என்று கூட வலியுறுத்திச் சொல்கின்றனர். ஆனால், மெய்ப்பொருள் நாம ரூபங்களுக்கு அப்பாற்பட்டது; அக்ஷரம் - அதாவது அழிவில்லாதது, சாசுவதமானது என்ற இயல்பையும், ‘ஓம்’ என்ற ப்ரணவ ரூபத்தையும் உடையது. நீங்கள் ‘அக்ஷரம்’ எனும் நிர்குணமான ஏகத்துவ நிலையை ஆன்மிக சாதனையின் மூன்று படிகளில் அடைகிறீர்கள்: (1) நான் உன்னுடையவன் (2) நீ என்னுடையவன் (3) நீயே நான். ஆன்மிக சாதனையின் மூலம் ஒருவர் ‘நான்’, ‘நீ’ என்ற இருமை நிலையைக் கடந்து செல்ல வேண்டும். ‘நான்’ என்பது இந்த தேகத்தில் உள்ள ‘நீ’ என்பதன் பிரதிபலிப்பே. இந்த பூரணத்துவம், இருமை நிலையைக் கடந்து சென்றவுடன் அடையப்படுகிறது. அதனால்தான், “தேவாலயத்தில் பிறப்பது நல்லது; ஆனால் அதில் இறப்பது நல்லதல்ல” என்று கூறப்படுகிறது. அதாவது, வாழ்க்கை முடிவடைவதற்கு முன் ஒருவர் மதத்தால் நிர்ணயிக்கப்பட்ட வரம்புகளைத் தாண்டி, எங்கும் நீக்கமற நிறைந்திருக்கும் பரந்த எல்லையற்ற ஆத்ம நிலையை அடைய வேண்டும். (தெய்வீக அருளுரை,ஜூலை29, 1969)