மனிதனின் 16 முதல் 30 வயது வரையிலான காலகட்டம் பண்படாத ஒன்றாகும்; ஏனெனில் இந்தக் காலத்தில்தான் திறமைகள், திறன்கள், மனப்பாங்குகள் ஆகியவை திரட்டப்பட்டு, புடமிடப்பட்டு, புனிதப்படுத்தப்படுவதால் வாழ்க்கைக்கு இனிமை கூட்டப்படுகிறது. இந்தக் காலகட்டத்தில் ‘தன்னலமற்ற சேவை’ எனும் ஊட்டச்சத்து டானிக் மனதிற்கு அளிக்கப்படுமானால், புடமிடுதலும், புனிதப்படுத்துதலும் துரிதப்படுத்தப்பட்டு வாழ்க்கையின் குறிக்கோள் பூர்த்தி அடைகிறது. வெகுமதிக்காகவோ, கவனத்தை ஈர்க்கவோ, நன்றி பெறுவதற்காகவோ அல்லது உங்களுடைய திறன், செல்வம், அந்தஸ்து, பதவி போன்றவற்றினால் விளைந்த தற்பெருமை உணர்வினாலோ சேவை செய்யாதீர்கள். நீங்கள் ப்ரேமையினால் உந்தப்பட்டு சேவை செய்யுங்கள். நீங்கள் அதில் வெற்றி பெறும்போது, இந்த வெற்றி உங்களுள் ப்ரேமையாக இருந்து உங்களை ஊக்கப்படுத்திய தெய்வத்தின் அருளாலேயே சாத்தியமானது என்பதை உணருங்கள். நீங்கள் தோல்வி அடைந்தால், அது உங்களுடைய குறைபாடு, அசிரத்தை அல்லது அறியாமை ஆகியவற்றினாலேயே நேர்ந்தது என்பதை உணருங்கள். உங்களது செயல்கள் எங்கிருந்து பிறக்கின்றன என்பதை ஆராய்ந்து, அகந்தையின் அனைத்து சுவடுகளையும் அவற்றிலிருந்து நீக்குங்கள். மேலும் உங்கள் தோல்விக்கு, சேவையைப் பெற்றவர்களையோ, உங்களுக்கு உதவியவர்களையோ, சக சேவகர்களையோ, தெய்வத்தையோ குறை கூறாதீர்கள். (தெய்வீக அருளுரை,மே19, 1969)