மனிதனும் ராட்சசனும் குணங்களாலேயே வேறுபடுகின்றனர். திரைப்படங்களிலும் புத்தகங்களிலும் சித்தரிக்கப்படுவதைப் போல ராட்சசர்களுக்கென்று தனிப்பட்ட உருவம் கிடையாது; அவர்களும் மனிதர்களே. குணங்களாலேயே ஒரு மனிதன் ராட்சசன் ஆகிறான். பாகவதத்தில் ஒரு நல்ல உதாரணம் உள்ளது. கிருஷ்ணர் தெய்வத்தின் ஸ்வரூபம். அவருடைய பெற்றோர் தேவகியும் வசுதேவரும் மனித ஸ்வரூபம். மேலும் தேவகியின் சகோதரனான கம்சன் ஒரு ராட்சசன். எனவே, ஒரு குடும்பத்திலேயே மூன்று வகையினராக - தெய்வம், மனிதன், ராட்சசன் ஆகியோர் இருக்கலாம்! கோபம் மற்றும் குரூர குணத்தால் கம்சன் ஒரு ராட்சசனாக இருந்தான். தேவகியும் வசுதேவரும் தயை தாட்சண்யம் கொண்டவர்களாக இருந்ததால் மனிதர்களாக இருந்தனர். எல்லா குணங்களுக்கும் அப்பாற்பட்ட திவ்யத்துவத்தை கொண்டிருந்ததால் கிருஷ்ணர் தெய்வமாக இருந்தார். (அத்தியாயம் 8, கோடையருள் மழை 1995)