காலம் அளவற்ற மதிப்புமிக்கது. அதில் ஒரு கணத்தைக் கூட வீணடிக்கக் கூடாது. ஒரு மனிதனின் வாழ்க்கையில் மாணவனாக இருக்கும் காலம்தான் மதிப்புமிக்கது புனிதமானதும் ஆகும். நீங்கள் அதைச் சிறந்த முறையில் பயன்படுத்த வேண்டும். தண்ணீரில் கலந்த பாலை அதன் அசல் தூய்மைக்குத் திரும்பக் கொண்டு வருவதற்கு அதில் கலந்த தண்ணீரைப் பிரித்தெடுக்க எவ்வளவு முயற்சித்தாலும் முடியாது. ஆனால் நீங்கள் பாலை ஒருமுறை வெண்ணெயாக மாற்றிவிட்டால், அது தண்ணீருடன் சேர்ந்தாலும் பாதிக்கப்படாமல், தண்ணீருக்கு மேலே மிதந்து தன் தனித்துவமான தன்மையோடு விளங்கும். அதேபோல், சம்சாரம் எனும் உலகப்பற்று தண்ணீர் போன்றது. மனிதனின் மனம் பால் போன்றது. தூய்மையான, புனிதமான, மாசுபடாத மனமானது உலக ஆசைகள் எனும் நீரில் கலந்துவிட்டால், அதன் அசல் தூய்மையை மீட்டெடுப்பது கடினமே. இருப்பினும் கல்வி கற்கும் இந்தப் புனிதமான காலத்தில், நீங்கள் உங்கள் களங்கமற்ற மனத்தைக் கடைந்தெடுத்து, அறிவு, ஞானம், நன்னடத்தை ஆகிய வெண்ணெயைப் பெற்றுவிட்டால், நீங்கள் உலகில் இருந்தாலும் கூட அதன் ஈர்ப்புகளால் மாசுபடாமல் இருக்க முடியும். (தெய்வீக அருளுரை, ஜூன் 16, 1983)