ஒருவர் தன் மகனால் அப்பா என்று அழைக்கப்படுகிறார். மருமகள் அவரை மாமனார் என்று அழைக்கிறாள், பேரக்குழந்தைகள் அவரை தாத்தா என்று அழைக்கிறார்கள். அவர் ஒருவரே, ஆனால் வெவ்வேறு நபர்கள் அவரை அழைக்கும் விதம் மாறுபடுகிறது. இதேபோல், வெவ்வேறு மதங்களைப் பின்பற்றுபவர்கள் ஒரே இறைவனை வெவ்வேறு திருநாமங்களால் அழைக்கிறார்கள்; அவரை அல்லா, இயேசு, ராமர், கிருஷ்ணர், புத்தர் என பல திருநாமங்களால் போற்றுகிறார்கள். நாமங்கள் வேறுபட்டாலும் இறைவன் ஒருவனே. எனவே, பல்வேறு மதங்களைச் சேர்ந்தவர்களிடையே உண்மையில் பேதங்களுக்கு இடமேயில்லை. இறைவனை உங்களுக்குப் பிரியமான எந்த நாமத்தினாலும் அழைக்கலாம், நாம் அழைப்பவை எல்லாம் ஒரே இடத்தைத்தான் சென்றடைகின்றன. இலக்கும் ஒன்றே, இறைவனும் ஒன்றே. எனவே இறைவன் விஷயத்தில் எந்தக் கருத்து வேறுபாடும் இருக்கக் கூடாது. உண்மையில் ‘ஸர்வ ஜீவ நமஸ்காரம் கேசவம் ப்ரதிகச்சதி’ - நீங்கள் யாரை வணங்கினாலும் வாழ்த்தினாலும், அவை அனைத்தும் இறைவன் ஒருவனையே சென்றடைகின்றன. இறைவன் ஒருவனே அனைத்திலும் உறைகிறான் என்பதால், சாதி, மதம், இனம் போன்றவற்றின் அடிப்படையிலான வாதங்களுக்கு இடமேது? (தெய்வீக அருளுரை, மே 21, 2000)