கர்மாவைச் செய்வதன் மூலம் மனிதன் சித்த சுத்தியைப் பெறுகிறான். இந்தப் பலனைக் கருத்தில் கொண்டு மனிதன் கர்மாவை வரவேற்க வேண்டும். சித்த சுத்திக்காக ஏன் பாடுபட வேண்டும்? கிணற்றின் அடிப்பகுதியைப் பார்க்க முடியாத அளவு மாசடைந்த, சேறுபடிந்த நீரைக் கொண்ட ஒரு கிணற்றைக் கற்பனை செய்து பாருங்கள். அதேபோலவே, மனிதனுடைய இதயத்தினுள், சித்தத்தின் ஆழத்தில் நமது ஆத்மா இருக்கிறது. ஆனால் சித்தம் தெளிவுபடுத்தப்பட்டால் மட்டுமே அதை அறிய முடியும். உங்கள் கற்பனைகள், உங்கள் அனுமானங்கள், உங்கள் முடிவுகள் மற்றும் தப்பெண்ணங்கள், உங்கள் உணர்வுகள், உணர்ச்சிகள் மற்றும் அகங்கார ஆசைகள், சித்தத்தைக் குழப்பி அதைத் தெளிவில்லாமல் ஆக்குகின்றன. அப்படியானால், மிக ஆழத்தில் உள்ள ஆத்மாவைப் பற்றி நீங்கள் எப்படி அறிந்து கொள்ள முடியும்? ஒருவருடைய அகங்காரத்தைத் திருப்திப்படுத்த விழையாமல், மற்றவர்களின் நலனை மட்டுமே கருத்தில் கொண்டு செய்யப்படும் சேவையின் மூலம் சித்தத்தைத் தூய்மைப்படுத்தி ஆத்மாவை அறிய முடியும். (தெய்வீக அருளுரை, மார்ச் 06, 1977)