கர்ணனுக்கு புஜ பலம், புத்தி பலம், அஸ்திர பலம் ஆகியவை இருந்தன. உண்மையில், அவன் சர்வ வல்லமைகளையும் பெற்றிருந்தான். அவன் அர்ஜுனனை விட எல்லா விதத்திலும் மிக உயர்ந்தவன். ஆனால் அர்ஜுனனுக்கு கர்ணனிடம் இருந்த தயாள குணம் இல்லை. கர்ணன் கொடுத்த வாக்கில் ஒருபோதும் பின்வாங்க மாட்டான். கர்ணன் எல்லா நற்பண்புகளையும் தியாக உணர்வையும் பெற்றிருந்தாலும், தீயவனாகிய துரியோதனனுக்கு தான் கொடுத்த வாக்கைத் திரும்பப் பெற முடியவில்லை; ஆகவே ‘துஷ்ட சதுஷ்டயம்’ என்றழைக்கப்படும் துரியோதனன், துச்சாதனன், சகுனி, கர்ணன் ஆகிய நான்கு தீயவர்களுடன் அவனும் ஒருவனாகிப்போனான். உன்னுடைய சேர்க்கை எதுவென்று சொல், நீ எப்படிப்பட்டவன் என்பதை நான் சொல்வேன். தீயவர்களுடன் நீங்கள் சகவாசம் செய்தால் உங்களுக்கும் தீய குணங்கள் வருகின்றன. அதேபோல நீங்கள் நல்லவர்களுடன் சேர்ந்தால், உங்களுக்கும் நற்குணங்கள் வருகின்றன. நெருப்புடன் சேரும் கரி, அதைப் போலவே பிரகாசிக்கிறது. உன் சேர்க்கை எப்படியோ, நீயும் அப்படியே ஆகிறாய். மாவு எப்படியோ சப்பாத்தியும் அப்படியே. உணவு எப்படியோ, ஏப்பமும் அப்படியே. (தெய்வீக அருளுரை, ஜூலை 12, 1996)