மிகச்சிறிய கெட்ட எண்ணம் என்றாலும் கூட, அது உங்கள் மனதில் நுழைய முற்படும்போதே அதைத் தடுத்து விட வேண்டும். அது சிறியது தானே எனக் கருதி, இதுபோன்ற விஷயங்களை மனதில் நுழைய அனுமதித்தால், நாளடைவில் அதுவே மனம் முழுவதும் நிரம்பிவிடும்! மெதுவாக ஒருவருடைய இயல்பு முற்றிலுமாக மாற்றப்பட்டு, அவருடைய மனித்தன்மையே அரிக்கப்பட்டுவிடும். எனவே அனைத்து கெட்ட எண்ணங்களையும் உணர்வுகளையும் விலக்கி, முடிந்தவரை மனிதப் பண்புகளை மேம்படுத்த எல்லா முயற்சிகளும் மேற்கொள்ளப்பட வேண்டும்! மிகச் சிறிய முயற்சியின் மூலம் மகத்தானவற்றைக் கூட சாதிக்க முடியும். பெரிய பாம்பை அதிக எண்ணிக்கையிலான சிறிய எறும்புகள் அழித்து விட முடியும். உங்களை சிறியவராகக் கருதாதீர்கள். உங்கள் கடமைகளை நிறைவேற்றுவதற்கான வலிமையையும் மன உறுதியையும் பெற முயலுங்கள். உலகில் அவ்வப்போது சிரமங்கள் உருவாகத்தான் செய்யும். நம்மை விடச் சிறந்தவர்களைக் கண்டு பொறாமை கொள்வது சகஜமே. குயில்கள் மீது காக்கைகளுக்கு பகைமை உண்டு. கொக்குகள் அன்னப்பறவைகளை பரிகசிக்கும். ஆனால், குயிலோ அன்னப்பறவையோ இதற்காகக் கவலைப்படுவதில்லை. உலகில் இது போன்ற பொறாமை கொண்டோர் பலர் உள்ளனர். இத்தகைய அனுபவங்கள் உங்களை பாதிக்க அனுமதிக்காதீர்கள். நீங்கள் அவற்றைத் தைரியமாக எதிர்கொள்ள வேண்டும்! (தெய்வீக அருளுரை, ஜூன் 18, 1989)