சந்தையில் விற்கப்படும் அனைத்து வகையான இனிப்புகளையும் சாப்பிடுவதால் உங்கள் ஆரோக்கியம் கெட்டுவிடும். அந்த இனிப்புகள் சுவையாக இருக்கலாம், ஆனால் அவை உங்களுக்குத் தீங்கு விளைவிப்பவை. மாறாக, ராமநாமமெனும் இனிப்பை நமது மகரிஷிகள் தயாரித்தளித்துள்ளனர். இது உங்கள் மனதில் அற்புதமான தாக்கத்தை ஏற்படுத்த வல்லது. அது ஒருபோதும் ஊசிப்போகாது, கெட்டுப்போகாது. இந்த ராமநாம இனிப்பை நீங்கள் எவ்வளவுக்கெவ்வளவு சாப்பிடுகிறீர்களோ, அவ்வளவுக்கவ்வளவு ஆனந்தத்தைப் பெறுவீர்கள். இது சர்க்கரையை விட இனிமையானது, தயிரை விட சுவையானது. இராமனின் தெய்வீக நாமம் இனிமை நிறைந்தது, அது என்றும் இனிமையாகவே இருக்கக்கூடியது. இவ்வுலகில் இறைவனின் பல அவதாரங்கள் தோன்றியுள்ளன; ஆனால் இராமனின் தெய்வீக நாமம்தான் என்றென்றும் நிலைத்திருக்கிறது. தொன்றுதொட்டே ராமநாமம் அனைவரின் தாரக மந்திரமாக இருந்து வருகிறது. குழந்தைகள் முதல் பெரியவர்கள் வரை அனைவரும் ராமநாமத்தை உச்சரிப்பதால் ஆனந்தத்தைப் பெறுகின்றனர். ராமநாமத்தின் இனிமையை அனுபவிக்க வயது ஒரு தடையே அல்ல. இந்த நாமத்தில் அபாரமான இனிமை இருக்கிறது. அத்தகைய இனிமையான, மதுரமான, ஆனந்தமான ராமநாமத்தை ஒரு நொடிகூட மறவாதீர்கள்! (தெய்வீக அருளுரை, ஏப்ரல் 07, 2006)