நாம் தற்போதுள்ள கலியுகத்தைச் சிறந்தமுறையில் பயன்படுத்தி, நற்பணிகளை ஆற்றி இவ்வுலகில் மகிழ்ச்சியாக வாழ முயற்சிக்க வேண்டும். கடந்தகாலம் கடந்து விட்டது; அது மீண்டும் வரப்போவதில்லை; எதிர்காலம் எப்படி இருக்கும் என்று நமக்குத் தெரியாது. நிகழ்காலம் நிரந்தரமானது அல்ல; அது மாறிக்கொண்டும், கடந்து சென்றுகொண்டும் இருக்கிறது. அதனால்தான், “நல்லவனாக இரு, நல்லதைச் செய், நல்லதைப் பார் - அதுவே இறைவனை அடைவதற்கான பாதை” என்று நாம் சொல்கிறோம். நல்லவராக இருக்க முயன்று, உங்கள் இதயத்தை நல்லவற்றால் நிறைத்துக்கொண்டு, நல்வாழ்க்கையை நடத்துங்கள்; அதன் விளைவும் நல்லதாகவே இருக்கும். நாம் நோய்வாய்ப்பட்டால் அதற்காக வருந்துவதால் எந்தப் பயனும் இல்லை. சரியான மருந்தை உட்கொள்ள முயற்சித்து நோயிலிருந்து விடுபட வேண்டும். நமக்கு வந்த நோயை நினைத்து அழுவதை விட, அதை குணப்படுத்திக் கொள்ள முயற்சி செய்து இவ்வுடல் நலம் பெற உதவுவது மேலானதாகும். இக்கலியுகத்தில் தீய செயல்களுக்காக வருந்துவதற்குப் பதிலாக, நாம் நல்லவர்களாக இருந்து, தீயவற்றை இந்த உலகத்திலிருந்து அகற்ற எப்போதும் முயன்றிட வேண்டும். (கோடையருள் மழை 1972, அத்தியாயம்-11)