மனிதர்கள் கணப்பொழுதில் கோபத்திற்கு இரையாகிவிடுகின்றனர். அந்த கோபத்தினால் யாருக்குக் கெடுதல்? கோபப்படுபவருக்குத் தான் கெடுதலே தவிர மற்றவர்களுக்கு அல்ல. "தன் கோபமே தனக்கு எதிரி, தன் சாந்தமே தனக்கு பாதுகாப்பு, தயையே உண்மையான உறவு, சந்தோஷமே சொர்க்கம், துக்கமே நரகம்" என்று கூறப்படுகிறது. எனவே, உங்களுடைய கோபத்தைக் கட்டுப்படுத்த முயற்சி மேற்கொள்ளுங்கள். உங்களை உயர்வாகவும், பிறரைத் தாழ்வாகவும் கருதாதீர்கள். தெய்வம் எங்கிருக்கிறது? ஒவ்வொரு மனிதனிலும், ஒவ்வொரு உயிரினத்திலும், ஒவ்வொரு பிராணியிலும் தெய்வம் இருக்கிறது. எனவேதான், ‘ஈஸ்வர ஸர்வ பூதானாம்’ அதாவது இறைவன் எல்லா உயிரினத்திலும் இருக்கிறான் என்றும், ‘தெய்வம் மானுஷ ரூபேண’ அதாவது தெய்வம் மனித உருவில் வருகிறது என்றும் சொல்லப்படுகிறது. இவ்வாறு ஒவ்வொரு மனிதனையும் தெய்வமாகக் கருதினால், நாம் எவரையும் எவ்விதத்திலும் விமர்சிக்க மாட்டோம். இறைவன் ‘பாவத்தை’ அதாவது உணர்வுகளைப் பார்க்கிறானே தவிர ‘பாஹ்யத்தை’ அதாவது வெளிப்புற செயல்பாட்டை அல்ல. பகவான் பாவப்ரியன், பாஹ்யப்ரியன் அல்ல. எனவே பார்வையை அகத்தை நோக்கித் திருப்புவதற்கு முயற்சி செய்திடுங்கள். அகப்பார்வை கொண்டவனே உண்மையான மனிதன். (தெய்வீக அருளுரை, மார்ச் 12, 2002)