உண்மையில் நாத்திகர்கள் என்று எவருமே இல்லை, ஆனால் அறியாத மனிதர்கள் தான் இருக்கிறார்கள். இறைவன்தான் தங்களுடைய அந்தராத்மா என்பதை அவர்கள் அறிந்திருக்கவில்லை. அவர்களுடைய உயிர்மூச்சே இறைவன்தான் என்பதை அறியாததால் அவர்கள் இறைவன் இல்லை என்று மறுக்கிறார்கள். இது எப்படி இருக்கிறதென்றால், தண்ணீரில் உயிர்வாழும் மீன் தண்ணீரே இல்லை என்று மறுப்பதைப் போன்றதாகும். அவர்களின் பெரும் அறியாமைக்காக நீங்கள் பரிதாபப்பட வேண்டுமேயன்றி, உங்களுக்குப் பிடிக்காததைக் கூறுவதால் அவர்கள் மீது கோபப்படக்கூடாது. இறைவன் உங்களுள் தெய்வீகப் பேரானந்தமாக உறைகிறான்; அதனால்தான், எப்போதும், உங்களைச் சுற்றியுள்ள ஒவ்வொரு பொருளிலும் நீங்கள் இயல்பாகவே ஆனந்தத்தைத் தேடுகிறீர்கள். ராதையைப் போல, ராமகிருஷ்ண பரமஹம்ஸர், விவேகானந்தரைப் போல ஆனந்தம் நிறைந்தவராக ஆவதற்கு, நீங்கள் உங்களுடைய அகந்தையை விடுத்து, இறைவனே உங்களுடைய அந்தராத்மா என்ற உணர்வில் தோய்ந்திருக்க வேண்டும். (தெய்வீக அருளுரை, ஆகஸ்ட் 13, 1964)