கிறிஸ்துமஸ் என்றால் கிறிஸ்து பிறந்த நாளில் நடத்தப்படும் மாஸ் - அதாவது கூட்டுப் பிரார்த்தனை என்று பொருள். அது அடிப்படையில் ஒரு புனிதமான மதச் சடங்காகும். இந்த தினத்தை குடிப்பதற்கும், கூத்தாடுவதற்கும், அல்லது அன்று மட்டும் இயேசுவை நினைவுகூர்வதற்குமான பண்டிகையாகக் கருதுவது மிகவும் தவறானது. இந்த நாளை பிரார்த்தனையில் கழிக்க வேண்டும்; இந்த நாளில் மட்டுமல்ல, பிரார்த்தனை எனும் ஆன்மிக சாதனையை ஒரு இயல்பான வாழ்க்கை நடைமுறையாக வளர்த்துக் கொள்ளுங்கள். உலகியல் நோக்கங்களுக்கான பிரார்த்தனைகள் இறைவனைச் சென்றடைவதில்லை. அவை அந்த குறிப்பிட்ட நோக்கங்களை மட்டுமே கையாளும் தேவதைகளை சென்றடையும். ஆனால், பரிசுத்தமான ப்ரேமை, சேவை ஆற்றுவதற்கான தன்னலமற்ற ஆர்வம், அனைத்தையும் அரவணைக்கும் இதயங்கள் ஆகியவற்றிலிருந்து எழும் அனைத்து பிரார்த்தனைகளும் நேராக இறைவனைச் சென்றடையும். ஏனெனில், இறைவன் ப்ரேமையின் திருவுருவம். சந்திரனின் ஒளியில்தான் நாம் சந்திரனைக் காண முடியும் என்பதை நாம் அறிவோம். அதுபோலவே ப்ரேமையே வடிவாகிய இறைவனை ப்ரேமையின் மூலமாகத்தான் காணவும் உணரவும் முடியும். அன்பே கடவுள்; அன்பிலேயே வாழுங்கள். அதுதான் நான் உங்களுக்கு வழங்கும் அருட்செய்தி. (தெய்வீக அருளுரை டிசம்பர் 24, 1980)