சத், சித், ஆனந்தம், பரிபூரணம், நித்யம் ஆகிய இந்த ஐந்து குணங்களைக் கொண்டது பரப்பிரம்மம் என வர்ணிக்கப்படுகிறது. இந்த குணங்களைப் புரிந்து கொள்வதன் மூலம் பரமாத்மாவை அறிய முடியும். காலத்தால் பாதிக்கப்படாமல் முக்காலத்திலும் இருப்பதே ‘சத்’ ஆகும். தன்னைத் தான் அறிந்து பிரகாசிக்கச் செய்துகொண்டு, மற்றவர்களையும் பிரகாசிக்கச் செய்வதே 'சித்' ஆகும். அனைவருக்கும் மிகவும் விரும்பத்தக்கதாக இருப்பது ‘ஆனந்தம்’. குறையோ, குறைவோ, தளர்வோ, தோல்வியோ அற்றதே ‘பரிபூரணம்’. ‘நித்யம்’ என்பது கால, தேச, பொருட்களின் பரிமாணங்களால் பாதிக்கப்படாத ஒன்றாகும். ப்ரம்ம ஞானத்தின்படி இந்த உலகம் தாற்காலிகமான, மெய்யற்ற, இல்லையென ஞானத்தால் மறுக்கப்படும் கானல்நீர் போன்றது, அதாவது மித்யை ஆகும். ஆனால் ஜீவாத்மாவான, அனைத்தையும் காணும் நீங்களே, "சத், சித், ஆனந்தம், ப்ரம்மன்" என்பதை நினைவில் கொள்ளுங்கள். அந்த நம்பிக்கையில் நிலைகொண்டு, அதன் சிறந்த சின்னமான ஓம்காரத்தைத் தியானம் செய்யுங்கள். இந்தத் தருணத்திலிருந்து நீங்கள் ஆத்மாவே என்பதை உணருங்கள். அஞ்ஞானத்தின் பனி விலகும்போது, ஒவ்வொருவருள்ளும் ஆத்மா தனது ஸ்வரூபத்தில் பிரகாசிக்கும். பின்னர் நீங்கள், பாலைவனத்தில் தென்படும் கானல்நீரைப் பின் தொடர்ந்ததைப் போல, முதலும் முடிவும் உள்ள பொருட்களை "உண்மையானவை" என்று நம்பிக் கொண்டிருந்தீர்கள் என்பதைப் புரிந்து கொள்வீர்கள். (உபநிஷத் வாஹினி, அத்தியாயம்-12)