உங்கள் செயல்கள், சைகைகள், பார்வைகள், பேச்சு, உணவுப் பழக்கம், நடை, உடை ஆகியவற்றால் உங்கள் இயல்பு அறியப்படுகிறது. எனவே உங்களுடைய பேச்சுக்கள், அசைவுகள், எண்ணங்கள், நடத்தை ஆகியவை அனைத்தும் ப்ரேமை நிறைந்ததாக, சாத்வீகமாக, விகாரமில்லாமல் சீராக இருக்கிறதா என்பதை உறுதிப்படுத்துவதில் கவனம் செலுத்துங்கள்! பிறரிடமிருந்து நீங்கள் நல்லதைக் கற்றுக் கொள்வதற்கு நிறைய இருக்கிறது என்ற பணிவான பாவத்தை நீங்கள் வளர்த்துக் கொள்ள வேண்டும். உங்களுடைய உற்சாகம், வலுவான லட்சியம், சங்கல்பம், செயல்திறன், அறிவாற்றல், ஞானம் ஆகிய இவை அனைத்தும் அனைவருக்குமானதாக இருக்க வேண்டுமே அன்றி, உங்களுக்கு மட்டுமே பயன்படுவதாக இருக்கக்கூடாது! உங்கள் இதயம் மற்ற அனைவரையும் ஏற்றுக் கொள்ள வேண்டும். உங்களது சிந்தனைகளும் இதேவிதமாக விசாலமானதாக இருக்க வேண்டும். நீங்கள் எதிர்கொள்ளும் ஒவ்வொரு கஷ்டத்தையும், உங்களது மனவலிமையை வளர்த்துக்கொண்டு, உங்களை மேலும் அதிக மனஉறுதி படைத்தவர்களாக ஆக்கிக் கொள்வதற்குக் கிடைத்த அதிருஷ்ட வாய்ப்பாகக் கருதுங்கள். உணவு உண்பது என்பது யக்ஞம் செய்வது போன்றதாகும். அதை, கவலையுடன் இருக்கும்போதோ அல்லது உணர்ச்சிவசப்பட்டு இருக்கும்போதோ செய்யக் கூடாது. உணவை, பசிப்பிணிக்கு மருந்தாக, வாழ்வாதாரமாகக் கருத வேண்டும். (வித்யா வாஹினி, அத்தியாயம்-8)