ப்ரேமையின் திருவுருவங்களாக ஆவதற்குப் பாடுபடுங்கள். உங்கள் அனைத்து திறன்களையும் திறமைகளையும், சர்வேஸ்வரனுக்கு அர்ப்பணிக்கத் தயாராக இருங்கள். நீங்கள் ஜபம், தவம், யாகம் ஆகியவற்றில் ஈடுபடும்போது இறைவனின் ப்ரேமையே உங்களுக்கு பலன் தருகிறது. இறைவனின் ப்ரேமையைப் பெறுவதற்குப் பாடுபடுவதை விட மகத்தான சாதனை வேறென்ன இருக்க முடியும்? ப்ரேம தத்துவம் அகங்காரத்தின் சுவடே இல்லாதது, நிர்மலமானது, சுயநலம் அறவே இல்லாதது. சாயி எதைச் செய்தாலும், சாயி என்ன நினைத்தாலும், சாயி எதைச் சொன்னாலும், சாயி எதைக் கடைப்பிடித்தாலும், அனைத்தும் உங்களுக்காகவே அன்றி சாயிக்காக அல்ல. என்னுடைய சுயநலமெல்லாம் உங்கள் ஆனந்தமே. உங்கள் ஆனந்தமே என் ஆனந்தம் என்பதைத் தவிர எனக்கென்று தனிப்பட்ட ஆனந்தம் வேறில்லை. என்னில் எழும் சங்கல்பங்கள் எல்லாம் லோக க்ஷேமத்திற்காகவும், இளைஞர்களின் முன்னேற்றத்திற்காகவும், மற்றவர்களை வழிநடத்தக் கூடிய இலட்சிய சிறுவர் சிறுமியர்களை உருவாக்குவதற்காகவும் மட்டுமே. எனவே சாயி தத்துவத்தை நன்கு புரிந்து, சாயிக்கு சுயநலமில்லை என்பதை கவனித்து, மேற்கொண்டு நடக்கவுள்ள நிகழ்ச்சிகளில் உற்சாகத்துடன் உலகத்தின் சேவைக்காக நீங்கள் அர்ப்பணித்துக் கொள்ள வேண்டும். (தெய்வீக அருளுரை, நவம்பர் 23, 1982)