யாராவது ஒரு பெரியவரையோ, மஹானையோ அல்லது அறிஞரையோ நாம் நமது இல்லத்திற்கு அழைத்தோம் என்றால் நம் இல்லத்தில் தக்க ஏற்பாடுகளைச் செய்ய வேண்டி உள்ளது. விருந்தினர் வருவதற்கு முன்பே இல்லத்தையும் அதன் சுற்றுப்புறத்தையும் நாம் தூய்மைப்படுத்த வேண்டும். தூய்மையற்ற புனிதமற்ற இல்லத்திற்கு இடங்களுக்கு பெரியோர்கள் செல்ல மாட்டார்கள். அதைப் போல, ஒரு மந்திரியையோ கவர்னரையோ நமது கிராமத்திற்கு அழைத்தோம் என்றால், நாம் சாலையைத் தூய்மைப்படுத்தி, பாதையை அலங்கரித்து, விருந்தினரை வரவேற்பதற்கு ஏற்ப அனைத்தும் சீரும் சிறப்புமாக இருக்குமாறு செய்வோம். ஒரு தாற்காலிகமான பதவியில் உள்ளவரை வரவேற்பதற்கே நாம் இவ்வளவு கவனமும் அக்கறையும் எடுத்துக்கொள்ளும் போது, இவ்வுலகையே படைத்துக் காக்கும் இறைவனை நம் இதயத்தில் பிரவேசிக்கச் செய்யவேண்டுமெனில், நமது இதயத்தை எவ்வளவு பரிசுத்தமாக வைத்துக் கொள்ள வேண்டும்? நம்முடைய இதயத்தைத் தூய்மைப்படுத்தினால் தான் இறைவன் அதற்குள் பிரவேசிக்க முடியும். கிருஷ்ணர், “அர்ஜுனா, நீ என்னை உன்னுடைய ரதத்தின் சாரதியாகக் கருதுகின்றாய். உன் வாழ்க்கைக்கே என்னை சாரதியாக ஏற்றுக்கொள். நான் இந்த ரதத்தில் அமர்ந்திருக்கும் இருக்கை மிகவும் சுத்தமாகவும் அலங்கரிக்கப்பட்டும் இருக்கிறது. நான் உனது இதய சாரதியாக ஆக வேண்டும் என்றால், உன் இதயத்தில் அமர்வதற்கு ஏற்ப அது எவ்வளவு பரிசுத்தமானதாகவும் மகத்தானதாகவும் இருக்க வேண்டும் என்பதை எண்ணிப் பார்” என்று கூறினார். (தெய்வீக அருளுரை, செப்டம்பர் 12, 1984)