இன்று நாம் அகண்ட பஜனை செய்யவுள்ளோம். உலகம் முழுவதும் சாயி பக்தர்களால் 24 மணி நேரம் தொடர்ந்து செய்யப்படும் நாம சங்கீர்த்தனம் ஆகும். இது ஒரு தனி மனிதருக்காகவோ, ஒரு நாட்டிற்காகவோ அல்லது ஒரு சமூகத்திற்காகவோ மட்டுமே செய்யப்படுவதல்ல. இது மனிதகுலம் அனைத்தின் க்ஷேமத்திற்காகவே! பாடப்படும் பஜனைகள் ஒலி அலைகளாக மாறி, வளி மண்டலத்தை ஊடுருவி, பிரபஞ்சம் முழுவதையும் நிரப்புகின்றன. அதனால், சுற்றுச்சூழல் அனைத்தும் பரிசுத்தமாக்கப்படுகிறது. இந்த பரிசுத்தமான சூழலில் சுவாசிப்பதால், நமது இதயங்களும் பரிசுத்தமடைகின்றன. நாம சங்கீர்த்தனம் என்பது கொடுப்பது வாங்கிக்கொள்வது எனும் ஆத்ம சம்பந்தம் ஆகும். இறைவனது திருநாமத்தை பாடுவது, சந்தோஷம் மற்றும் புனிதத்துவத்தைப் பரஸ்பரம் பகிர்ந்து கொள்ளும் ஒரு பயிற்சியாக ஆக வேண்டும். நாம் உருவாக்கும் ஒலிகள் சுற்றுச்சூழலில் எதிரொலிக்கின்றன என்பதை நினைவில் கொள்ள வேண்டும். அவை வளி மண்டலத்தில் ஒலி அலைகளாக நிரந்தரமாகத் தங்கி, அந்த ஒலிகளை எழுப்பும் மனிதர் மறைந்த பிறகும் கூட நிலைத்திருக்கும். இன்று, சுற்றுச்சூழல் புனிதமற்ற நச்சு ஒலிகளால் மாசடைந்திருக்கிறது. இவை தீய சிந்தனைகள் மற்றும் தீய உணர்வுகளை வளர்த்து, தீய செயல்களுக்கு வழிவகுக்கின்றன. சுற்றுச்சூழல் தூய்மையாக்கப்பட வேண்டும் என்றால் அது பரிசுத்தமான புனிதமான ஒலிகளால் நிரப்பப்பட வேண்டும். எனவே சிந்தனைகள், சொற்கள் மற்றும் செயல்களில் தூய்மையை வளர்க்க வேண்டியது அவசியமாகிறது. (தெய்வீக அருளுரை, நவம்பர் 08, 1986)