பூஜை அறையில் இறைவழிபாட்டைத் தொடங்கும் போது, ​​உங்களின் முதல் செயல் ‘தீபம் ஏற்றுவது', அல்லவா? தீபத்தை ஏற்றாமல் எந்த ஒரு சுபநிகழ்ச்சியும் தொடங்கப்படுவதில்லை. ப்ரேமையின் தீபம் பிரகாசிக்கும்போது ​​இறைவன் ப்ரத்யக்ஷமாகிறான்! அது பிரகாசமாகவும் பரிசுத்தமாகவும் எரியட்டும்; இறைவன் அங்கேயே நிலைகொண்டிருப்பான்! அதிலிருந்து அனைவரும் தங்கள் தீபங்களை ஏற்றிக்கொள்ள அனுமதியுங்கள், இறைவன் அருள்மழை பொழிவதை நீங்கள் அனுபவிப்பீர்கள்! முதலில் இறைவன், அடுத்து உலகம், கடைசியில் நான் - அதுவே ஆன்மிக சாதகனுக்கான முறையான வரிசையாகும்; யார் தான் சாதகன் இல்லை? இந்த பிறப்பு-இறப்பு என்ற சுழற்சியில் இருந்து விடுபட, நீங்கள் இப்போதோ பின்னரோ அப்படிப்பட்ட ஒருவராக ஆகத்தான் வேண்டும்! இப்போது, ​​தன் சொந்த நலனிலேயே அக்கறை இல்லாத மனிதன், அதைத் தலைகீழாக மாற்றிவிட்டான்! அதாவது 'முதலில் நான், அடுத்து உலகம், இறைவன் கடைசியில்’ என்று. இதனால் இறைவனையும் இழந்துவிட்டான்! இறைவனை இறுகப்பற்றிக் கொள்ளுங்கள், பின்னர் நீங்கள் பத்திரமாக இருப்பீர்கள். ஞானம், பக்தி, கர்மம் - இவற்றுள் ஏதேனும் ஒரு மார்க்கத்தின் மூலம் அவனை இறுகப்பற்றிக் கொள்ள முடியும். (தெய்வீக அருளுரை, அக்டோபர் 29, 1970)