இந்த உதாரணத்தை எடுத்துக் கொள்ளுங்கள்: நீங்கள் ஒரு வீட்டை பிரதான வாசற்கதவுடன், நல்ல காற்றோட்டத்திற்காக பல ஜன்னல்களுடன் கட்டியுள்ளீர்கள். வாசற்கதவு இருக்கிறது என்பதற்காக எல்லா தெரு நாய்களையும் பன்றிகளையும் உங்கள் வீட்டிற்குள் நுழைய அனுமதிக்க மாட்டீர்கள். ஆனால் உங்கள் குடும்பத்தினர், நண்பர்கள், உறவினர்கள் ஆகியோருக்கு மட்டுமே நீங்கள் கதவைத் திறப்பீர்கள். அதுபோலவே, இறைவனின் ஆலயமான உடலுக்கு, மனமே பிரதான வாசல் மற்றும் புலன்கள் உடலின் ஜன்னல்கள் போன்றவை. இந்த ஆலயத்திற்குள் யாரை அனுமதிக்க வேண்டும், யாரை அனுமதிக்கக் கூடாது என்று நீங்கள் ஆராய வேண்டும். ஆனால் இன்று யாரும் இதை ஆலோசிப்பதில்லை. இதன் விளைவாக எல்லா வகையான கொடிய உணர்வுகளும் தீய சிந்தனைகளும் மனதில் நுழைய அனுமதிக்கப்படுகின்றன. ‘ந ஸ்ரேயோ நியமம் வினா’ - அதாவது, ஒழுக்கம் இல்லாமல் நல்வாழ்வு இருக்க முடியாது. எல்லோருடனும் நட்பை வளர்த்துக் கொள்ளாதீர்கள். ஒருவர் நல்லவரா இல்லையா என்று விசாரியுங்கள். இருப்பினும், ‘அத்வேஷ்ட சர்வபூதானம்’ என்று சொல்வதைப் போல யாரையும் வெறுக்காதீர்கள். அதேசமயம், மற்றவர்களுடன் பழகுவதில் உங்கள் வரம்புகளை மீறாதீர்கள். உறவுகளையும் தொடர்புகளையும் அளவாக வைத்துக்கொள்ளுங்கள். (தெய்வீக அருளுரை, அக்டோபர் 01, 1998)