உங்கள் உடல் ஆரோக்கியத்திலும் கூட கவனமாக இருங்கள். இயற்கையின் தேவைகளைப் பூர்த்தி செய்யுங்கள்; உடலாகிய காருக்குத் தேவையான பெட்ரோலை போடவேண்டும். இல்லை என்றால், மிகுந்த சோர்வினால், உங்கள் கண்கள் செருகி, தலை சுற்றக் கூடும். ஒரு பலவீனமான உடலில் இறைசிந்தனைகள் எவ்வாறு நிலை கொள்ள முடியும்? உடலைப் பராமரிக்கும் போது, இந்த உடலின் குறிக்கோளை மட்டும் மறந்துவிடாமல் இருக்க வேண்டும். ரோடு ரோலர் வண்டிக்கு எண்ணெய், நிலக்கரி மற்றும் பலவிதமான எரிபொருட்கள் போடப்படுகின்றன. அது ஏன் நல்ல நிலையில் பராமரிக்கப்படுகிறது? சாலையை சீர்படுத்துவதற்காகத் தான், அல்லவா? அதைப் போலவே, பிறப்பு-இறப்பு எனும் சுழற்சியிலிருந்து மீள்வதற்காகத்தான் நீங்கள் உடலை ஏற்று வந்துள்ளீர்கள் என்பதை நினைவில் கொள்ளுங்கள். அதற்காக, இந்த உடலை ஒரு கருவியாகப் பயன்படுத்துங்கள். இங்குமங்கும் பறந்து திரிந்து, மேன்மேலும் உயரப் பறந்தாலும், ஒரு பறவை ஓய்வெடுக்க இறுதியாக ஒரு மரத்தின் மீது அமரத் தான் வேண்டும். அதைப்போல, பணம் படைத்தவனும், அதிகாரம் படைத்தவனும் கூட ஓய்வையும் சாந்தியையும் நாடுகின்றனர். (தெய்வீக அருளுரை, பிப்ரவரி 23, 1958)