நீங்கள் செய்யும் ஆன்மிக சாதனை அல்லது தியானத்தில் சுத்தம், அசுத்தம் என்ற பேச்சையே மனதில் சேர விடாதீர்கள். உலகத்தில் அசுத்தமான பொருள் என்று இல்லவே இல்லை. ஸர்வாந்தர்யாமியாக இறைவன் எதிலும் எங்கும் இருக்கும்போது, அசுத்தமானது எங்கிருக்க முடியும்? அப்படியே புறக்கண்களுக்கு ஏதாவது அசுத்தமானது என்று தோன்றினாலும், அது இறைவனுடைய திருநாமத்துடன் சேர்ந்தவுடன் சுத்தமானதாக மாறிவிடுகிறது. ஒரு விஷயத்தைக் கவனியுங்கள்! ஒருவர் மலஜலம் கழிக்கும்போது, ஒரு பொக்கிஷத்தைக் கண்டெடுத்தால், அந்த நேரத்தில் அவர் அசுத்தமாக இருக்கிறார் என்பதற்காக, அதை எடுத்துக் கொள்ளத் தயங்குவாரா? சுத்தம், அசுத்தம் ஆகிய இரண்டும் விளைவதற்கு அந்தந்த தருணத்தில் ஏற்படும் மனச்சலனங்களே காரணம். ஒருவர் யாருக்காவது பணம் கொடுக்க வேண்டும் என்றால், அது நல்ல நாளா, நல்ல நேரமா என்றெல்லாம் பார்ப்பார். ஆனால், ஒருவருக்கு பணத்தைப் பெறுவதற்கான வாய்ப்பு கிடைத்தால், எல்லா நேரமும் நல்ல நேரமே! இந்த இரண்டு இயல்புகளுக்கும் மனமே காரணம். அதைப்போல, பரமாத்மாவின் திருநாமத்தின் மீது பரிபூர்ண நம்பிக்கையும் ப்ரேமையும் உங்களுக்கு இருந்தால், சுத்தம்-அசுத்தம் இவ்விரண்டும் உங்களுக்குத் தோன்றாது. ( தியான வாஹினி, அத்தியாயம்-8)