நாமஸ்மரணையும் தியானமும், இறைவனுடைய அருளைக் கட்டாயப்படுத்தி நீங்கள் விரும்பும் ரூப நாமத்துடன் தோன்ற வைக்கக்கூடிய வழிமுறைகளாகும். நீங்கள் தேர்ந்தெடுக்கும் ரூபத்தையும், உங்களுக்குத் பிடித்த நாமத்தையும் இறைவன் ஏற்றே ஆக வேண்டும்; உண்மையில் நீங்கள்தான் அவனை அவ்வாறு வடிவமைக்கிறீர்கள்! எனவே, இந்த இரண்டையும் மாற்றாமல், காலதாமதம் அல்லது சிரமம் எதுவாக இருந்தாலும் உங்களுக்கு மிகவும் பிடித்த ஒன்றையே பற்றிக்கொண்டு இருங்கள்! ஆரம்பத்தில் இருந்தே நீண்ட நேரம் கவனம் செலுத்த முடியவில்லையே என்று துவண்டுபோக வேண்டாம். நீங்கள் சைக்கிளை ஓட்டக் கற்றுக்கொள்ளும்போது, சமன்செய்து ஓட்டும் திறமை உடனடியாக உங்களுக்கு வராது. ஒரு திறந்தவெளி மைதானத்திற்கு சைக்கிளைத் தள்ளிச் சென்று, அதில் தாவிக் குதித்து ஏறுகிறீர்கள்; சமநிலையைப் பற்றி கவலைப்படாத அளவுக்குத் திறமையாக ஓட்டும்வரை, இந்தப் பக்கமும் அந்தப் பக்கமும் சாய்ந்து, பலமுறை வண்டியோடு விழுந்து எழுந்து பழகுகிறீர்கள். பின்னர் தானாகவே சைக்கிளை சமநிலையோடு வைத்திருப்பதற்கு ஏற்றவாறு சரிசெய்து கொள்ள முடிகிறது இல்லையா? (தெய்வீக அருளுரை, பிப்ரவரி 23, 1958)