நீங்கள் யாரிடமாவது ஆவேசமாக கோபப்படும்போது, அதை கட்டுக்குள் கொண்டு வர நிதானமாக இறைநாமஸ்மரணை செய்யுங்கள் அல்லது ஒரு கோப்பை குளிர்ந்த நீரைக் குடியுங்கள் அல்லது உங்கள் படுக்கையை விரித்து கோபம் தணியும் வரை படுத்திருங்கள்! கோபமாக இருக்கும்போது நீங்கள் மற்றவரைத் திட்டுகிறீர்கள், அவர்களும் அவ்வாறே செய்கிறார்கள்; ஆத்திரம் அதிகரிக்கிறது, அனல் பறக்கிறது, ஆறாத மனக்காயம் உண்டாக்கப்படுகிறது! ஐந்து நிமிட கோபம் ஐந்து தலைமுறைகளுக்கு உறவுகளை பாதிக்கிறது என்பதை நினைவில் கொள்ளுங்கள்! இந்த எலும்புக்கூடு அல்லது உடலே (அஸ்திபஞ்சரம்) ஹஸ்தினாபுரம் ஆகும்; இங்கு அறியாமையைக் குறிக்கும் பார்வையற்ற அரசனான திருதராஷ்டிரனும், ஞானத்தைக் குறிக்கும் யுதிஷ்டிரனும் உள்ளனர். ஸ்ரீகிருஷ்ணரின் உதவியால் யுதிஷ்டிரனின் படைகள் வெற்றி பெறட்டும். உலகியலான சாதனைகள் மற்றும் அழிவுகள் எனும் வேப்பம்பழத்தின் கசப்பிற்கு பழகிவிட்ட நாக்கு, இறைநாமஸ்மரணை எனும் தேனின் இனிமையை சுவைக்கட்டும். ஒருமுறை இதை பரிசோதனை செய்து பாருங்கள்; இதன் பலனைக் கண்டு நீங்களே ஆச்சரியப்படுவீர்கள்! உங்களிடமும், உங்களைச் சுற்றியும் சாந்தி மற்றும் ஸ்திரத்தன்மை வெகுவாக முன்னேறியிருப்பதை நீங்கள் உணர முடியும். இந்த எளிய பாடத்தைக் கற்றுக்கொண்டு மகிழ்ச்சியில் மூழ்கிவிடுங்கள், மற்றவர்களும் அந்த மகிழ்ச்சியை உங்களுடன் பகிர்ந்து கொள்ளட்டும். (தெய்வீக அருளுரை, செப்டம்பர் 02, 1958)