உடல் மற்றும் மன ஆரோக்கியத்தையும், வலிமையையும் பெற தைரியமே ஊட்டமளிக்கும் மருந்தாகும். சந்தேகம், தயக்கம், பயம் ஆகியவற்றை கைவிடுங்கள். இவை உங்கள் மனதில் வேரூன்ற எந்த வாய்ப்பையும் கொடுக்காதீர்கள். மனிதர்கள் எதையும் சாதிக்க முடியும் - அவர்களுக்குள் இருக்கும் தெய்வீக சக்தியின் மூலம் மாதவனாகக் (கடவுளாக) கூட ஆக முடியும். பயம் மற்றும் சந்தேகத்தை கைவிட உங்களுக்கு உதவியாக இறைவனின் திருநாமத்தை எப்போதும் உங்கள் நாவிலும் மனதிலும் கொண்டிருங்கள். நீங்கள் நாமஸ்மரணை செய்யும் போது இறைவனின் எண்ணற்ற ரூபங்களையும், எல்லையற்ற மகிமையையும் நினைந்திருங்கள். உங்களை அவனுடன் இணைத்துக் கொள்ளுங்கள்; பின்னர் நிலையற்ற பொருட்களின் மீதான பற்றுதல் விலகி விடும்; அல்லது குறைந்தபட்சம் அவற்றை சரியாக ஒப்பிட்டுப் பார்த்து, அவற்றில் ஓரளவுக்கே உண்மை இருப்பதை உணரத் தொடங்குவீர்கள். இம்மியளவு அகந்தை பெருமளவு முக்கியத்துவம் பெறும் போதுதான், அனைத்து தொந்தரவுகளும் விளைகிறது! அதுவே எல்லாத் துன்பங்களுக்கும் ஆணிவேறாகும்! (தெய்வீக அருளுரை, செப் 02, 1958)