உங்களுடைய குறிக்கோள் உள்ளார்ந்த தெய்வீகத்தை உணர்வதை விட வேறு எதுவும் இல்லை என்பதை நினைவில் கொள்ளுங்கள். இப்படிப்பட்ட ஒரு வாய்ப்பு ஒருவருக்கு கிடைப்பது கடினம். உலகில் உள்ள கோடிக்கணக்கான மக்களில் எத்தனை பேர் இறையனுபவம் பெற வேண்டும் என்று விரும்புகிறார்கள்? நீங்கள் பாக்கியசாலிகள் மற்றும் அதிருஷ்டசாலிகளில் ஒருவராக இருக்கிறீர்கள். இந்த உன்னதமான அதிர்ஷ்டத்தை சிறப்பாகப் பயன்படுத்தி, உங்களை தெய்வீகமானவர்களாக நல்மாற்றம் செய்துகொண்டு மற்றவர்களும் நல்மாற்றமடைய உதவுங்கள். எப்போதும் மகிழ்ச்சியாக இருங்கள். உங்கள் சந்தோஷத்தை மற்றவர்களுடன் பகிர்ந்து கொள்ளுங்கள். இதுவே உண்மையான ஆன்மிகமாகும். ப்ரேமையே இறைவன்; ப்ரேமையில் வாழுங்கள். சத்தியமே இறைவன்; சத்தியத்தில் வாழுங்கள். ஆனந்தமே இறைவன்; ஆனந்தத்தில் வாழுங்கள். பயமின்றி இருங்கள். இறைவன் உங்களுடன் இருக்கின்றான். "இறைவன் என்னுடன் இருக்கிறான், நான் இறைவனுள் இருக்கிறேன்" என்ற திடநம்பிக்கையுடன் நீங்கள் செல்லும்போது, உங்களுக்கு எந்த பயமும் இருக்காது. இவ்வாறு செயல்படுவதன் மூலம் அவரவர் தேசங்களில் அமைதியையும் நல்லிணக்கத்தையும் பரப்புவீர்கள் என நான் நம்புகிறேன். (தெய்வீக அருளுரை, பிப்ரவரி 17, 1989)