பரிசுத்தமான செயல்களால் மனமும் தூய்மை அடைகிறது. ஆனால் வெறும் மனத்தூய்மை மட்டுமே போதுமானதல்ல. மனக்குவிப்பை வளர்த்துக்கொள்ள வேண்டும். மனக்குவிப்பை வளர்ப்பதற்கு பக்தி மிக அருமையான வழியாகும். பக்தி என்றால் பகவானிடமிருந்து பிரியாமல் இருப்பதே. தெய்வீகம் எங்கும் நீக்கமற நிறைந்திருக்கிறது என்பதையும், இறைவனிடமிருந்து உங்களைப் பிரித்துக்கொள்ள முடியாது என்பதையும் உணர வேண்டும். எங்கும் நீக்கமற நிறைந்திருக்கும் இறைவனை நினைந்திருக்கவும், அவனது மகிமைகளைப் போற்றிப் பாடவும், உங்களுக்கு நாவன்மை (வாக் சக்தி) தேவை. இறைவன் புகழைப் பாடுவதற்கு அவன் அளித்த கருவியே நாக்கு என்று ஜெயதேவர் போற்றினார். இந்த புனிதமான கருவியை பிறரைக் குறை கூறுவதற்கோ அல்லது அவர்களுக்கு வருத்தத்தை ஏற்படுத்துவதற்கோ எந்த வகையிலும் தவறாகப் பயன்படுத்தக்கூடாது. கீதையில் கூறப்பட்டுள்ளபடி, விரும்பத்தகாத பேச்சைத் தவிர்த்து, சத்தியமான, இதமான நல்ல வார்த்தைகளை மட்டுமே பயன்படுத்துங்கள். நாக்கை இவ்வாறு பயன்படுத்தினால்தான் அது பரிசுத்தமாகவும், புனிதமாகவும் ஆகும். உங்கள் பேச்சு புனிதமாகும்போது, உங்கள் வாழ்க்கையே புனிதமாகிறது! (தெய்வீக அருளுரை , ஜனவரி 19, 1989)