பரந்த மனப்பான்மையை வளர்த்துக் கொள்ளுங்கள், குறுகிய மனப்பான்மையை ஒதுக்கி வையுங்கள். பிறர் உங்களுக்குத் தொல்லை கொடுத்தாலும், உங்களுக்குப் பிரச்சனைகளை ஏற்படுத்தினாலும், அவை உங்களுக்கு நன்மைதான் செய்யும் என்று நம்பி பொறுமையுடன் சகித்துக்கொள்ளுங்கள். பஞ்சபூதங்களால் ஆன உடல் என்றாவது ஒரு நாள் வீழ்ந்து அழியத்தான் வேண்டும். இந்த உடலின் உள்ளுறைபவர், நிரந்தரமானவர், பிறப்பு-இறப்பு அற்றவர், மேலும் எந்த பந்தத்தின் தளைகளாலும் பிணைக்கப்படாதவர். உண்மையில், இந்த உள்ளுறைபவர் இறைவனே! பிச்சைக்காரன் உணவை யாசிக்கும்போது, "பவதி பிக்ஷாம் தேஹி" என்று சொல்கிறான். அவன் உண்மையில் உள்ளுறையும் தேஹியிடம் யாசிக்கின்றானே தவிர உங்களிடம் அல்ல. உங்களுள் உள்ள இறைவனிடம்தான் அவன் யாசிக்கிறான் என்ற உண்மையை உணருங்கள். அவன் உங்களிடம் யாசிக்கிறான் என்று நீங்கள் நினைத்தால் அது உங்கள் அறியாமையே. அது ஆணவத்திற்குச் சமம். அரசன்-ஆண்டி என்ற வேறுபாடு ஏதுமின்றி தெய்வீகம் அனைவருள்ளும் உறைந்துள்ளது. ஒவ்வொருவருள்ளும் உள்ள இந்த தெய்வ தத்துவத்தைத்தான் நீங்கள் போற்றி நேசிக்கிறீர்கள்; ஆனால் அந்த அன்பு தன்னலமற்றதாக இருக்க வேண்டும். உடல் மீது பற்று இல்லாத அன்பு எல்லோரிடமும் சமமாகப் பாய்கிறது! உடல் உணர்வு குறுகிய மனப்பான்மைக்கு வழிவகுக்கிறது. (தெய்வீக அருளுரை, நவம்பர் 23, 2001)