பகுத்தறிவின் மார்க்கத்தை (விசார மார்க்கம்) விடாமல் பின்பற்றுபவர்கள், இறைஅருளையும், மெய்யுணர்வையும் பெறுகிறார்கள். அவர்கள், இவ்வுலகில் கனவுகளைப் போன்ற பிரமைகளின் பின் இருக்கும் நித்ய சத்தியத்தை எப்போதும் தேடிக்கொண்டு இருப்பார்கள். தறிகெட்டு அலையும் புலன்களைக் கட்டுப்படுத்துங்கள்: பின்னர் வியாதிகளுக்கான மூலகாரணங்கள் மறைந்து போய்விடும். மனமும் அதன் சேஷ்டைகள் மீதும் கவனம் வைத்திருங்கள்; மடத்தனமான திட்டங்கள் மற்றும் சிந்தனைகளின் ஓட்டத்தை அணையிட்டுத் தடுத்து நிறுத்துங்கள்; பின்னர் கவலைகள் மற்றும் கலக்கங்களுக்கு மனதில் இடம் இருக்காது. உங்கள் எண்ணங்கள் அலைபாய்வதைக் குறைப்பதற்கு இறைநாமஸ்மரணை செய்யுங்கள்; அது உங்களுடைய துக்கத்தையும் துயரத்தையும் நீக்கிவிடும். மனோநாசம் அடைந்தவுடன் ஒருவருக்கு ஞானம் உதயமாகிறது; அப்படிப்பட்டவரே பரிபூரணமான மனிதராவார். ஆன்மிக சாதகர், "அகதிருஷ்டியை”, அதாவது "உள்நோக்கிய பார்வையைப்" பெறும் சூட்சுமத்தை முதலில் கற்றுக்கொண்டு, தனது கவனத்தை வெளியுலகிலிருந்து விலக்கிக் கொள்ள வேண்டும். (தியான வாஹினி, அத்தியாயம்-3)