கீதை சொற்பொழிவில் பங்குகொள்ளுங்கள் என்று உங்களிடம் அமைச்சர் சொல்லிக்கொண்டிருந்தார்; ஆனால், மண்டபத்தின் ஒரு தூணில் சாய்ந்துகொண்டு நீங்கள் தூங்கி வழிந்தால், அதனால் எந்த நன்மையும் இல்லை. சொல் முக்கியமல்ல, அதன் பொருள்தான் முக்கியம்; செவி அல்ல, இதயம்தான் கீதையின் சாரத்தை அருந்த வேண்டும். நீங்கள் சத்சங்கத்தை (நல்லோரின் நட்புவட்டம்) நாடி, இன்புற வேண்டுமென அவர் விரும்பினார்; அந்த சங்கத்துடன் (சபை) சுயபரிசோதனையும், அதாவது புலன்களின் பிடியிலிருந்து விடுபட்டு இறைவனை நெருங்குவதில் நீங்கள் எவ்வளவு தூரம் வெற்றி பெற்றிருக்கிறீர்கள் என்பதும் இருக்க வேண்டும். மன ஏவ மனுஷ்யானாம் காரணம் பந்த மோக்ஷயோஹோ - மனமே பந்தத்தை ஏற்படுத்துகிறது, மனமே விடுதலையும் அளிக்கிறது. எனவே மனதைப் பயிற்றுவித்து வெற்றி பெறுங்கள். காட்டு யானையைப் போன்ற மனதை, ஸோஹம் எனும் அங்குசத்தால் அடக்க முடியும். அகந்தை, வெறுப்பு, பொறாமை, பேராசை ஆகியவற்றால் அதற்குத் தீனி போடாதீர்கள். உங்கள் காதில் இறைவனின் திருநாமம் எப்போதும் எதிரொலிக்கட்டும், மனம் வசப்படும். (தெய்வீக அருளுரை, மே 22, 1965)