ப்ரேமையின் திருவுருவங்களே! இந்த எல்லையற்ற பிரபஞ்சத்தில், எண்ணற்ற உயிரினங்களில் மனிதப்பிறவியே தலைசிறந்தது. மாந்தர்களுள் மாதராகப் பிறப்பது ஒரு பாக்கியமே. பெண்களின் மேன்மையை நிரூபிக்க பல உதாரணங்கள் உள்ளன. தெய்வ அவதாரமான ராமர் பிறந்தது கோசலையின் வயிற்றில் அல்லவா? லவனும், குசனும் தலைசிறந்தவர்களாக ஆனது அவர்கள் சீதைக்குப் பிறந்ததனால் அல்லவா? சிவாஜியை மாவீரனாக்கியது ஜீஜாபாயின் அன்பான வளர்ப்பல்லவா? காந்தியை மகாத்மாவாக ஆக்கியது புத்லிபாயின் பக்தி அல்லவா? மாமுனிவர்கள், துறவிகள், மாவீரர்கள், போர்வீரர்கள் என எல்லோருமே “அவர்களை உயர்ந்தவர்களாக ஆக்கிய" பெண்களுக்குப் பிறந்தவர்களே. பெண் இயற்கையின் தேவியாவாள். பெண்ணாகப் பிறப்பது என்பது மதிப்பிற்குரியது, போற்றத்தக்கது, மிக உன்னதமானது என்பது தெள்ளத் தெளிவாகிறது. வேதமும் தேவி தத்துவத்தை பல வழிகளில் போற்றுகிறது. (தெய்வீக அருளுரை, நவம்பர் 19, 1995)