ஒருமுறை ஒருவர் தன் மகளின் திருமணத்தை முன்னிட்டு மணமகள் ஊர்வலத்திற்கு, ஒரு வயதான யானையை வாடகைக்கு அமர்த்தியிருந்தார். விழா முடிந்து ஊர்வலம் வீடு திரும்பியதும், மணமகள் அம்பாரியிலிருந்து கீழே இறங்கிய அந்த நேரத்தில் யானை மயங்கி விழுந்து இறந்துவிட்டது. யானையின் உரிமையாளர் இந்த செய்தியைக் கேட்டு அதிர்ச்சியடைந்து விட்டார்; அதை தவிர்க்க முடியாத ஒரு துரதிர்ஷ்ட சம்பவமாக எடுத்துக் கொள்ள அவர் தயாராக இல்லை. அதே போன்ற ஒரு விலங்கை உயிரோடு தனக்குத் திருப்பித் தரவேண்டும் என அவர் வலியுறுத்தினார். இந்தப் பிரச்சனைக்கு நீதிமன்றத்தை அணுகினார். இந்தப் பேராசை பிடித்த உரிமையாளர் நீதிமன்றத்தின் உள்ளே வருவதற்கு திறக்கப்படவேண்டிய கதவின் பின்னால் சில மண் பானைகளை வைப்பதற்கு நீதிபதி ஏற்பாடு செய்தார். கதவை உரிமையாளர் திறந்தவுடன், அனைத்து மண்பானைகளும் உடைந்துவிட்டன. அதே மண்பானைகளை மீட்டெடுத்துத் தர வேண்டும் என்று நீதிபதி வலியுறுத்தினார்! இதனால், அந்த உரிமையாளருக்கு தகுந்த பாடம் புகட்டப்பட்டது! இப்படிப்பட்ட முட்டாள்தனமான வெறித்தனத்தைக் கொண்டிருக்காதீர்கள்; அதன் தீவிரத்தை சற்று பகுத்தறிவால் மாற்றுங்கள். பிறரின் கருத்துக்களுக்கு நியாயமாக, அக்கறையோடு, அனுதாபத்தோடு, முழு சகிப்புத்தன்மையோடு மதிப்பளியுங்கள்! இந்த விஷயங்களில் உங்களை நாளுக்கு நாள் மேம்படுத்திக் கொள்ளுங்கள். (தெய்வீக அருளுரை, ஜனவரி 14, 1967)