நீங்கள் சாந்தி, சந்தோஷங்களைப் பெறுவதற்கு, அஹங்காரம் மற்றும் அதன் சந்ததிகளான காம, க்ரோத, லோப, மோஹ, மத, மாத்ஸர்யங்கள், மேலும் அதைப் போன்றவற்றால் கறைபடியாத, தூய களங்கமில்லாத மனதை வளர்த்துக் கொள்ள வேண்டும். இதற்கு நீங்கள் நல்லோரின் நட்பை (ஸத்ஸங்கம்) நாடி, நற்செயல்களை (ஸத்கர்மம்) ஆற்றி, நற்சிந்தனைகளை (ஸத்ஆலோசனை) மட்டுமே கொண்டு, உயர்ந்த நூல்களை (ஸத்கிரந்தங்கள்) படிக்க வேண்டும். நீங்கள் ஓராயிரம் நல்லவற்றைக் காணலாம் அல்லது ஓராயிரம் நல்ல வார்த்தைகளைக் கேட்கலாம் அல்லது ஓராயிரம் நல்ல புத்தகங்களைப் படிக்கலாம்; ஆனால் நீங்கள் அதில் குறைந்தது ஒன்றையாவது கடைப்பிடிக்காத வரை உங்கள் இதயமெனும் கண்ணாடியில் படிந்திருக்கும் மாசு நீக்கப்பட மாட்டாது! இறைவனை அதில் பிரதிபலிக்கச் செய்ய முடியாது. முழுமையான நம்பிக்கையுடன் கூடிய இடையறாத ஆன்மிக சாதனை, நரனை நாராயணனாக, மானவனை மாதவனாக (மனிதனை இறைவனாக) மேம்படுத்திவிடும்; ஏனெனில் தெய்வீகமே (நாராயணன்) உங்களது உண்மையான இயல்பு, மாதவனே உங்களது உண்மையான சாரம்! நீங்கள் கடலின் ஒரு அலையே; இதை அறிந்து கொள்ளுங்கள், விடுதலை பெற்றவராவீர். (தெய்வீக அருளுரை, மார்ச் 17, 1966)