பண்டைய சாஸ்திரங்களிலும் இலக்கியக் கவிதைகளிலும், க்ருஹலக்ஷ்மி - இல்லத்தின் திருமகள் என்று பெண் போற்றப்படுகிறாள். மனையியலைக் (Home Science) கற்கும்போது, ​​​​இல்லத்தை மகிழ்ச்சியாகவும், நல்லிணக்கமும் ஆரோக்கியமும் நிறைந்ததாகவும் ஆக்கும் கலையில் நீங்கள் பயிற்சி பெறலாம். வெறுப்பு, வன்மம், பேராசை, கோபம், கவலை, தற்பெருமை மற்றும் அகச்சாந்தியின் பாதையில் வரும் பிற தடைகளிலிருந்து எவ்வாறு விலகி இருப்பது என்பதையும் நீங்கள் கற்றுக்கொள்ள வேண்டும். இல்லத்தின் வரவு-செலவு (Home budget) சமநிலையில் இருந்தால் மட்டும் போதாது; வாழ்க்கையில் சாதனைகள்-சோதனைகள், லாப-நஷ்டங்கள், வெற்றி-தோல்விகள் ஆகியவற்றால் பாதிக்கப்படாத சமச்சீரான பார்வையை கொண்டிருக்கும் கலையை மனைவியானவள் (மற்றும் தாய்) கற்றுக்கொள்ள வேண்டும். இந்த சமச்சீரான நிலையை இறைவனைச் சார்ந்திருப்பதனாலும், உள்ளுறையும் இறைவன் மீது நம்பிக்கை வைப்பதனாலும் தான் பெற முடியும். நீங்கள் கண்டிப்பாகக் கவனம் செலுத்தவேண்டிய ஒரு ஒழுக்கம் புலனடக்கம் ஆகும்; நீங்கள் புலன்களைக் கட்டுப்பாடின்றித் திரிய விட்டால், அவை உங்களை பேரழிவிற்கு இழுத்துச் சென்று விடும். கண், காது, நாக்கு ஆகியவை கடிவாளம் இல்லாத காட்டுக் குதிரைகள் போன்றவை; தியானக் கலையைக் கற்றுக்கொள்ளுங்கள்; அதன் மூலம் புலன்களைக் கட்டுப்படுத்தலாம்; ஸங்கல்பத்தை உள்நோக்கித் திருப்பி, உணர்வுகள் மற்றும் உணர்ச்சிகளின் மீதான ஆளுமையையும் பெறலாம். (தெய்வீக அருளுரை, ஜூலை 26, 1969)